هنا سأسكت قليلا 😀
انا إزاي كانت غايبة عني السلسلة دي!
الجزء او العدد ده كان زيادة في جرعة الأحداث الماورائية.. التنقلات بين الماضي والحاضر كانت سلسلة ومشوقة جدا.. وأجابت عن أسئلة كتير وطرحت أسئلة جديدة اكتر.
آدم بقى أقوى.. نص بني آدم ونص شيطان!
الحقيقة مش قادرة أصنفه.. المهم ان وصل لمملكة ديهيا واكتشف علاقتها بيه وبأبوه وبماضيهم عامةً..
فيه نبوءة هوا بطلها ولكن هو ماقررش هايتم النبوءة ولا لاء او لو ده كان ممكن من الأساس!
شخصيات جديدة ظهرت منهم "مهدي" اللي أعتقد هايظهر كتير في الأعداد الجاية حبيت وجوده وغموضه ومتشوقة أعرف عنه أكتر..
فيه بقى نظريات زي الأبعاد الكونية والمجالات الطاقية أو أساطير مش عارفة أحدد 😂 تم مزجها مع الأحداث بطريقة حلوة جدا جدا بطريقة مقنعة تخليك تفكر ف (ماذا لو).. ماذا لو كل ده كان حقيقة او ممكن يبقى حقيقة ؟!
متشوقة اقرأ باقي الأعداد بس مش عايزة أخلصهم ف مش هاكملهم دلوقتي لاء 😂