❞ أنا لا أملك سوى عقلي وثأري والغضب الذي تبثه شياطيني في عروقي. لا أستطيع الانتحار، ولا أستطيع العيش كباقي الناس. ❝
الكتاب الثاني مع آدم لاشين.
الجزء ده عجبني أكتر من الأول لأنه داخل آدم نفسه.. تفكيره وصراعه مع شياطينه ومع نفسه.. الأسئلة اللي بتدور في دماغه ودماغ شياطينه..
الإنتقام والغضب والإحساس بالذنب كانوا مرافقين لآدم الجزء ده..
واحد اتحمل ذنب أبوه وفقد أمه وأخوه بسبب الذنب ده بس بيقرر يحارب ومايستسلمش.. بيقرر ينتقم وبينطلق في رحلة بحث عن إجابات لأسئلته؟
- إيه سر أبوه ؟
- وايه سر قوته هو وتحمله الشياطين بداخله مع الاحتفاظ بوعيه ؟
- مين ديهيا وإيه علاقتها بأبوه وبيه ؟
- ليه ذا الرمح حافظ عهد الدجالين بطل يحاول يقتله وفضل متربص له ؟
آدم هايلاقي طريقة يحارب بيها شياطينه وماضيه ولا هاينساق للوضع ويستسلم ويبقى تحت سيطرتهم..
ده اللي يارب أعرفه في الاجزاء الجاية 😁
هابدأ الجزء الثالث حالا 😀