نبدأ الموسم الثاني لبرنامج "بعد منتصف الليل" من عالم ما وراء الطبيعة.. بعد وفاة رفعت إسماعيل واختفاء المذيع في ظروف غامضة.. يتجدد البرنامج في ٢٠٢٠ مع سهير ومهاب..
بداية لسلسلة جديدة حلوة بالنسبة لي 😁
فكرتني بأجواء ما وراء الطبيعة ولكنها مختلفة ومالهاش علاقة بيها.. الموضوع تم توظيفه أعتقد ليثير نوستالجيا السلسلة المشهورة في نفوس القراء..
"لاشين" بني آدم ولا شيطان ؟!
حكايات مرعبة يبدو إنها متصلة واللي يعرف الصلة بينهم لاشين.. اللي يمكن كان ضحية لأبوه الساحر بس أبوه أصلا وقع عليه الاختيار إزاي ؟ واشمعنى هو وعيلته ؟.. اعتقد دي من الحاجات اللي هاتبان بعدين.
الموضوع مش مرعب أد ما إنه فيه تلاعب نفسي شوية وأساطير من ثقافتنا وشوية تشويق.. خلطة كدة حلوة تصلح لقراءة خفيفة بين القراءات الدسمة.
متحمسة لباقي الأجزاء عشان أعرف السر ورا لاشين 😁