كتابة رايقة من حكاء مفيش زيه.. بقالي كتير جدا ماعرفتش أخلص كتاب في كام قعدة -منه لله تيك توك اللي قتل الAttention span- بس الحمد لله حصل على إيد بلال فضل اللي من جديد بيمدلي ايده بالونس في أوقات تقيلة :))

التعليقات -كالعادة- تضحك وتبكي (يا ترى المرة الكام اللي أقول فيها كده عن عمل لبلال فضل؟! :D).. وحكايات بلال دايما بحس فيها بالألفة مع الأماكن والأشخاص والأحداث، ألفة مصدرها موهبته أولا وأخيرا، وشوية من معرفتي بأماكن زي إسكندرية وكلية الإعلام جامعة القاهرة والتدريبات الصحفية وعوالم وسط البلد "وسط ناو" اللي الحمد لله ربنا خرجنا منها على خير :D

ما حستش بالتقل غير في حكاية الشاب القناوي، مش لأي عيب في الكتابة، لكن لعيب فيا وفي قدرتي ع التخطي :)

شكرا بلال فضل، وشكرا أبجد.