القصص والروايات اللي زي دي يمكن تكون مرعبة لسبب واحد بس إنها قريبة جدا من ثقافتنا العربية والدينية..

اعتقد الرعب هنا لسه في أوله ومجرد تمهيد للأجزاء التانية يمكن عشان كدة حسيت ان مافيش ترابط في الجزء الأول من الرواية.. مشاهد مختلفة في أوقات مختلفة في عوالم مختلفة وبتعرف الرابط بينهم في الآخر.

شاب بيكتشف مخطوطة غامضة بالصدفة وبيعرف انها حقيقة مش تقليد وان فيها أسماء للجن وحكاية غريبة عن مدينة الموتى وعن شخص اسمه "أحمد بن إسحاق" هو اللي كتب المخطوطة دي (اللي كانت جزء من كتاب اختفى والشخص نفسه اختفى) وكان بيحكي فيها اللي مر بيه أثناء أسفاره من حكايات غريبة.

فيه ذكر للجان وأسمائهم (مش عارفة حقيقة ولا لاء 🙄😂) وقبائلهم وطلاسم وتسخير واتفاقات بين الجن والأنس.. الحكاية في العموم تشد وتجذب الانتباه.

تقييمي أقرب لـ نجمتين ونصف أكثر من ٣ 🙄

بسبب ان في الأول حسيت الكاتب مصمم يقنعني بالخوف ولسه مافيش أحداث.. بص يوسف لقى ايه واترعب إزاي اترعب بقى انت كمان 🙄

بس للأمانة القفلة بتاعت الجزء حلوة 👍