رواية مشوقة جدا للحد اللي يخليك مش عاوز تسيبها من ايدك غير لما تخلص وهحاول أوضح الريفيو بتاعي بالتفصيل قليلا

بالنسبة للنقط اللي عجبتني فيها

الطلاق في المسيحية :

من زمان وأنا شايفها نقطة شائكة وساعات بتحمل الظلم لشخص ما احييك علي جرأتك انك اتكلمت عنها.

المعلومات الدينية :

أعتقد إنك قرأت كثيرا عشان تجمع حصيلة المعلومات الدينية عن الدين الإسلامي فكنت موفق

في المعلومات.

أفكارنا عن الدين المسيحي :

فعلا وأحنا صغار كنا بنتناول يعض المعلومات المغلوطة

عن الدين المسيحي، انت وضحت كل المعلومات دي

بصورة ساخرة جميلة أعجبتني.

هنا وهناك :

طوال قرأتي للرواية كنت بحاول أجد الرابط ما بينهم لحد ما وجدته في أخر صفحتين، فكان شيء محفز للتفكير.

الأحداث التاريخية :

عجبني جدا انك ذكرت كتير من الأحداث التاريخية وربطت البرامج التلفزيونية القديمة بما يتناسب مع وقت الاحداث، وكان أختيار موفق

نهاية كل فصل :

عجبني جدا نهاية كل فصل،مشوقة لدرجة انها بتخليني مش عاوز اسيب الرواية غير لما أخلصها.

اسم الراوية :

معرفتش سبب تسمية الرواية بالقذيفة الا في النهاية طوال القراءة كنت مستغرب من أختيار الاسم.

النقاط اللي مختلف فيها معاك شوية

احداث ٢٠١٣ :

لا استطيع الاعترض علي كل احداث ٢٠١٣ اللي ذكرتها وايضا لا استطيع تأيدها كلها، وأعتقد الاختلاف في التفكير السياسي لا يمكن مناقشته.

الجزء التاني :

مكنتش أفضل انه يبقي في جزء تاني وانتظره بحب اخلص الرواية في ساعتها وخلاص.🤣🤣

اسم الولد :

ده مجرد سؤال ليه مذكرتش اسم الولد ؟

طول الرواية :

أعتقد في الزمن ده الشباب مش بتحب تقرأ رواية طويلة نسبيا بيحبوا الحاجات اللي بتكون سريعة، مع العلم الرواية صعب انك تختصر فيها، كل الأحداث مهمة.

ف رأي بصدق وبدون مجاملة :

انت فعلا موهوب في الكتابة يا روماني اتمني انك تكمل دايما، اسلوبك ممتع وجميل ومشوق وثقافتك واضحة في الكتابة ،ربنا يوفقك وتوصل للنجاح اللي تستحقه.