بتحكي الكاتبة ماريز كوندي في السيرة دي جزء من حياتها عن طفولتها وتأثير أنها آخر طفلة وفرق السن بينها وبين والدها ووالدتها وتأثير لون بشرتها على حياتها فيه كتير كتبوا عن تأثير إنهم ببشرة زنجية لكن ماريز كوندي هنا عندها سرد خاص مميز هي بتحكي دا بدون تعمد استجلاب تعاطف هي بتحكيه حتي بدون سخرية لاذعة ولا شئ بتحكيه كأنك قاعد معاها وبتقولك موقف بكل أريحية ومع ذلك هتحس بتأثير العن.صرية اللي وقعت عليها بشكل أو بآخر أنا مبسوطة جدا إني قرأت السيرة دي علشان عرفتني على قلم جديد نابض بالمفردات والتعبير الدقيق عن الحياة

الكاتبة حصلت على جائزة نوبل البديلة للآداب في 2018 لإنها وصفت اللي حصل في فترة الاستعمار في النهاية أنا بشوف الأدب هو تأريخ بشكل مباشر أو غير مباشر للفترات الزمنية وكل تفصيله فيها حتي لو الكاتب/ة غير متعمدين لفعل التأريخ..

#نسمة_عبداللطيف

#قلب_للضحك_والبكاء_حكايات_حقيقية_من_طفولتي

#ماريز_كوندي