السنجة

د احمد خالد توفيق

التصنيف ديستوبيا ، احتماعيه

منصة اقرألي ..

الرواية اتكتبت عام ٢٠١٢ ، يعني بعد ثورة يناير بسنه ..

ازاي شاف فيها د احمد المستقبل ! مش عارفه ..

الرواية بتدور حولين عصام .. كاتب .. بيروح يعيش لفتره ف العشوائيات عشان يكتب قصه من تأليفه بتدور ف البيئة دي " دحديرة الشناوي "

وعفاف .. البنت اللي اتعلق بيها افكار وخيالات منطقتها ،

اللي التصق بيها الورع ، والانحلال ،ف افكارهم

عفاف .. اللي بتستسلم للخدر وبتقف قدام القطر علي مرأى الحارة .. بعد ما كتبت كلمه علي الجدار الموازي لخط السكة الحديد ( السنجة )

ف الحاره طبائع ونفوس وافعال ناس لا يعرفوا الدين الا عند الموت بس ، ف الحارة .. الثورة ، التي لا تعرف منها الا مصالحها ..

للامانه الروايه اسلوبها صعب ، مش مناسب لبعض الفئات العمرية ،

اسلوب د احمد السهل ، اللي حقيقي مش عارفه ايه مصدر الابداع لكن تكوين القصه برضو مبهر !❤️

اعتقد لولا كده مكنتش كملتها ..

تجربتي مع ابلكيشن اقرألي ..

انا كنت ورايا شغل يدوي كتير ف فكرت بدل ما اسمع مزيكا ممكن اسمع كتاب ،

ستوري تيل اشتراكي فيه خلص وتجديد الاشتراك محتاج فيزا فقررت اشترك ف اقرألي باورانج كاش

والحقيقه التجربه كويسه بس في ٢ عيب كبار

١. الكتب قليله جدا جدا ف التطبيق

٢. التعامل مع تراكات قراءه الكتاب مش سلس زي ستوري تل ..

لكن كانت بس ميزه الدفع لصالحه مش اكتر ..

#قراءات_مايو٢٠٢٤