الرواية بتكلمنا عن عائشة اللي بتاخدنا في رحلة من تركيا إلى ليبيا للبحث عن والدها المخطوف في رحلة استكشافية ومن هناك بنبدأ نتعرف على ليبيا ومعالمها.
الإهداء وعناوين الفصول كانوا مميزين «خاصة اسم كاف الجنون» وكمان كان حلو أوي التدريج في وصف شخصيات الرواية وكمان النهاية كانت منطقية وعجبتني أوي وعنصر التشويق كان عالي جدا
تعليقي الوحيد هو سرعة الأحداث في بعض المشاهد كنت أتمنى إنها تاخد حقها أكتر في الحوار
دي أول مرة في حياتي أقرأ عن ليبيا، عادة لما بشوف روايات بتتكلم عن بلدان وحضارات غالبا بتبقى بتتكلم عن الاندلس أو مصر القديمة لكن قليل لما ألاقي رواية بتتكلم عن دولة بالجوار.
أول مرة وإن شاء الله مش هتبقى آخر مرة ومتحمسة أوي للجزء التاني، لأ مش التاني بس أنا متحمسة للسلسلة كلها، يا جماعة لما تكتبوا ع النت معالم ليبيا قلبكوا هيتخطف من الجمال والمعلومات.