فى محاولة للبقاء بعد الفقد والفراق

وبالرغم من وجود الأصدقاء للإلهاء والخروج من الأحزان

إلا أن الأمر مش هين يا جدعان

ده الزوج والحبيب وأكتر حد فاهمنى فى الموجودين

هو اللى انتشلنى من بيت هما عنى غايبين

أم متسلطة ومتحكمة وشايفانى من الأعداء

نظراتها و كلامها لاذع ولا كأنها تنين 🐉

كلماتها نار 🔥 بتحرق به المحيطين

انساه ازاى وهو لحقنى منها قبل ما تحرقنى بكلامها

مكانش فيه غيره هو وجدى ينجدنى

راحوا الاتنين وسابونى فى حزنى غرقانة

حيرانة ومش عارفة مين أراضى

أهلى وأصحابى اللى شايفين أنى مزوداها حبتين

ما هو سايبلك شقة شيك

ومفيش أولاد بينكم علشان تشيلى هم المصاريف

وبين أهل زوجى وخاصة أخته اللى شايفة أنى ماحزنتش كفاية على أخوها الحبيب

📌 لماذا لم يفهمها أحد❓لماذا كانت مضطرة أن تشرح مرارًا وتكرارًا وتبرر لأشخاص لا يريدون أن يبذلوا أي مجهود لفهمها❓

وهو من امتى الحزن بيتقاس باللبس ولا الشكليات

فيه قلوب بتعانى وعلى وشها الابتسام

سيبونى فى حالى مابقيتش عارفة أعيش

ولا بقيت عارفة أحدد أنا مين

أنا " يسرا " 👇🏻👇🏻

📌أنا سليمة، أنا لستُ مخطئة أو معيوبة. أنا لم أدعِ شيئًا، أنا فقط امرأة وجدت نفسها دُفَسِت في دور عادة لا تلعبه قريناتها من سنها، فلم تفهم كيف تتصرف، ووجدت حولها كثيرين ممن كانوا يدلون بآرائهم في شيء لم يمروا به ولم يفهموه.

رواية بالنسبة ليها كانت مؤثرة وممتعة ورائعة

طيب مؤثرة ماشى لكن ازاى ممتعة 🤔

الشخصيات بجد متعوب فيها

شخصية البطلة والأم ايه ده أنا كنت حاسة أنى هدخل جوا الصفحات 📑 أفصل بينهم فى الخناقات 😄

طريقة وصف مشاعر البطلة واحساسها تعيشك معاها بجد فى وجعها وأفكارها

الأم فى الرواية دورها رهيب عارف لما تشوف فيلم 🎥 ويبقى الممثل فيه شرير ويعرف يكرهك فيه

اهى الكاتبة عملت نفس الشىء قدرت بكلماتها وتعبيراتها تكرهك فى الشخصية بس تطلع بعد المشهد بتصقف وتقول لعبت الدور مظبوط 👏🏻👏🏻👏🏻

وصف التخبط والرايح جاى صابتنى أنا كمان بالحيرة

ومليت رأسى بالأفكار

ياترى فعلا الحزن بيتنسى ولا بتناساه 🤷‍♀️

📌الحزن لا يذهب يا يسرا، ولكننا نتعلم كيف نتعايش معه، كيف نجعله جزءًا من كياننا، ولكنه لا يصبح كياننا كله.