تيو.. بطل قصتنا الي حياته رتيبة ومملة، عايش مع أمه القعيدة، طالب بيدرس في طب، ووصل الحال انه من كُتر وحدته بقا مصاحب جثة لسيدة مسنة في مشرحة الكلية 😀

وفي أحد حفلات الشواء بيقابل كلاريس، بنت عكسه تماما، منطلقة ومندفعة وتسهر مع صحابها وغيره...

بيحصل بينهم حوار وتيو بيعجب بيها، بعد كدا بتبدأ احداث من التتبع خلف كلاريس من قبل تيو.. ولما بيصراحها بحبه هي بترفض!

وبعدها بتقابل رد فعل طالب كلية الطب

⚠️يصلح العمل لمن هم 18+ ⚠️

دي ثاني قراءاتي لموتنيز، الأولي كانت فتاة الظلام وعجبتني جداا.. ف ياترى القراءة الثانية كانت ع نفس المستوى ؟!

اسلوب السرد ف القصة كان جيد، وفي بعض الأحيان مربك.. ومش عارف دا سوء ترجمة ولا اسلوب الكاتب نفسه في العمل دا مش مظبوط

شخصيات العمل تتمحور حول تيو وكلاريس ووالدة كل شخصية فيهم..

والشخصيات هي اقوى جوانب العمل، الشخصيتن الأساسيين تم بناءهم كويس، واحب أشيد بالجانب النفسي للأبطال.. من حيث الخبايا الداخلية وكدا.. والكاتب لعب عليها حلو اوي في فتاة الظلام، فواضح انه بيهتم يدخل العامل النفسي في حبكة اعماله..

اهم نقطة في العمل دا، هي معدلات التشويق، والي للاسف كانت اقل بكيتر من المتوقع، الاحداث كانت مملة جدا في معظم الأحيان، ومشوقة في ((بعض)) الأحيان، ودا بسبب تعمد مونتيز وضع احداث ملهاش لازمة كتير ومط وحشو، الرواية دي لو كانت اصغر شوية كانت هتبقي احلى من كدا بكتييير.. لكن للاسف حجمها سبب ملل.

والاحداث معظمها متوقع.. حقيقي وانت بتقرأ هتخمن في حزء معين ان هيحصل كذا وفعلا هيحصل!!

بس برده ما زال فيه تشويق في العمل وفي فصول هتخليك تقرقض في ضوافرك، عشان ابقي وفيت العمل حقه

لكن النهاية كانت حلوة، وملعوبة بصياعة، ومتوقعتهاش...

ملحوظة ⚠️

الغلاف الأصلي والعنوان احلى.. وكمان مش مبينين حدث مهم في العمل، ع عكس الغلاف وعنوان المترجم.. حارق حدث مهم!!

التقييم:⭐⭐⭐