هو الإنتقام ممكن يعميك
لدرجة أنك تتعاون مع إبليس وماتشوفش أنه بيغويك وبيجر رجلك على مفيش⁉️
وعدك بإيه 🤔
أنك هترتاح وتعيش مرتاح البال لما تاخد بإيدك ثأرك من اللى آذاك
هااا وايه كمان
قبلت الـdeal بناء على ايه
على وعود من شوية شياطين 👿 وسوسوا ليك
وعملولكم من الجريمة كريم شانتيه
استمتع بقى باللى اتوعدت به مش هتشوف النوم ليلة 🌙 من الكوابيس وده جزاء اللى يلعب مع الشياطين …
البداية مع جريمة 🔪 غريبة
ملابساتها كانت عجيبة
يعنى ايه شاب لقوه محروق منه فيه
يعنى محدش ولع 🔥 فيه
ولا دلق عليه بنزين ⛽️
خالص واقولك كمان مفيش اى اثر لحريق فى المكان
ده سحر بقى اعوذ بالله
الغريب أنها مش أول مرة تحصل الجريمة بالشكل ده 🤔
ديه اتكررت مع ناس تانية كتير وفى اماكن بعيد
و الضحايا ماتربطهمش علاقة ببعض من الأساس
طيب ما يمكن وباء 😷 ضرب البلاد 🤔
ولا قاتل متسلسل هوايته حرق 🔥الناس
أو ممكن يكون تريند انتحار تشرب كحول وولع سيجار 🚬 وتبقى رماد🤷♀️
شكلها قضية من العيار التقيل ومحتاجة كتير تدوير
ومع البحث والتنقيب فى القديم مع الجديد هيطلع في الامر شىء مريب تم استغلاله بشكل مخيف …
رواية ميكسها مشوق يعنى ما تبقاش عارف تصنيفها جريمة 🔪مع حبة 👻رعب بسيط على رشة نفسيات وايمانيات 😇فى النهايات… حبيت الخلاط اللى اتضربت 😄فيه لأنها ما مشتنيش على رتم طول الطريق 📑 زى ما قولت أنت مش هتبقى عارف هى جريمة ولا لعنة ولا ايه اللى بيحصل للناس ديه 🤷♀️
أسلوب الكاتبة كمان لطيف ومشوق قدرت تجذبنى بالرغم أنى ماليش فى أجواء الشياطين 😄 بس حبيت طريقتها وفكرة روايتها وقدرت تخلينى أخلصها فى مفيش 💙