تالت تجربة لقلم الكاتب محمود وهبة
الصراحة بداية العمل كانت قوية جدا و غامضة و مثيرة و توقعت اني هعيش تجربة ممتازة
كالعاده مع قلم الكاتب
لكن انا بالنسبالي الرواية دي زي اللي رقص علي السلم
لا مسكنا فيها خط الجريمة بشكل محكم ولا خط الرعب او الماورائيات بشكل اكبر
الرواية لو كانت كملت بشكل مختلف من غير خالد كانت راحت في مكان تاني
الرواية لو كانت اعتمدت علي خالد بدون مساحة ادوار ل صالح و اسمالعيل كانت بقت عمل جميل برده
الرواية في اعتقادي الشخصي كان مفروض تاخد وقت اطول و كانت هتتطلع للنور بشكل افضل من ده
عندي كام ملاحظة و من هنا هيبقي في حرق لبعض الاحداث
*مشهد ضابط الحراسات الخاصة في حماية لمي من القاتل ضابط الحراسات في موقف زي ده مش هيضرب النار علي رجل القاتل ابدا ده هيضربه
طلقتين في القلب و الرئة او طلقة في الدماغ ضباط الحراسات في الرماية مستوي مختلف عن اي ضابط .
*مشهد دخول صالح بخالد المشرحة هو معقول المشرحة مفيش فيها غير دكتور واحد و مساعد فقط لا غير لا ومش بس كده اسماعيل اما دخل و استخبي قبلهم في المرة التانية برده دخل و استخبي في التلاجة من غير ما حد يقوله انت رايح ولا جاي منين ما مش معقول الامن كل مره مش موجود في مكانه ولا سهل اني نظام الكاميرات كل مرة صالح هيفصله عادي .
*مشهد حرق خالد لمنزله غير مبرر بالنسبالي.
* حاجه اخيرة بالنسبة لفكرة فتح الخزانة من القاتل و انه قرا الاوراق و عمل الخطه نوعا ما غير منطقيه.
*مشهد بناء خالد منزله بسهوله كده في الصحراء مش منطقي برده .