#سفريات2024

#نبض_جنين

رواية اجتماعية جديدة بعنوان"نبض جنين" للكاتب"خالد ذهني" عن دار"ديوان"، بيناقش فيها الكاتب قضيتين كل واحدة منهم شائكة لوحدها، بنشوف "سارة" طبيبة الاسنان القبطية اللي فجاة بتتعرض لبوادر سرطان في الرحم، كان الحل الطبي هو الاستئصال خلال اقل من سنة، لانها عاشقة للأطفال ف كان الحل السريع ف جوازة تطلع منها بطفل...ياترى سارة هتعمل ايه؟؟

بنشوف على مدار الرواية فكرة زواج المسيحين من بعض، اهم القوانين الحاكمة، كمان زواج المسيحين من مسلمين حتى لو من جنسية مختلفة، بنشوف علاقات الحب المتشعبة وحب العمر اللي مبيكملش لاختلاف الاديان

القضية الجديدة تماماً واول مرة اقرا عنها ف رواية هي قضية"تجميد البويضات"، اللي الكاتب "يمكن بحكم عمله ك طبيب" قدر ينقل لي معلومات كتير جداً عنها، ازاي بتتعمل وايه طرق التجميد وحتى فكرة تأجير الأرحام كمان...موضوع جديد على مجتمعنا العربي

الكاتب قدر يجمع كذا قضية ويربط بينهم بشكل روائي شيق، وعرض تشويقي سريع خلاني اخلص الرواية ف قعدتين تقريبا لاني مكنتش عارفة النهاية ممكن تكون ازاي

عيب الرواية بالنسبة لي ان اوقات سرد المعلومات كان بيكون كتير شوية خاصة ف وسط حوار ف كنت بعديه...النهاية كمان عجيبة شوية بالنسبة لي"مفهمتش بصراحة سارة اخدت قرار ولا النهاية مفتوحة"

ف المجمل...الرواية قوية ولو اتقرأت بشكل موسع أعتقد هتعمل ضجة

#قراءات_حرة

#قراءات_فبراير

#الكتاب_رقم7

7/1