كتاب جميل ولذيذ عن الفيزياء الكونية بأسلوب سهل وموزون ✨

شرح المصطلحات او النظريات الفيزيائية كان حلو والأمثلة اللي استعان بها الكاتب سهلت الفهم أكتر..

تقسيم الكتاب لمقالات كان مناسب جدا خصوصا لو الشخص القارئ أول مرة يقابل المصطلحات دي ف هايقدر ياخد هدنة بدون ما يحس بالتشتت..

فيه معلومات بالنسبة لي جديدة فهو أضاف لي فائدة مع الاستمتاع.. عجبتني المقالة في النص عن حياة ستيفن هوكينج..

مع اقتراب نهاية الكتاب كلام الكاتب بيأكد علي مدى التقدم اللي وصله الإنسان ومع ذلك مدى جهله بالكون من حوله وإن مهما وصل فهو بردو جاهل بأمور أكبر بكتير من اللي وصل لمعرفتها.. وخاتمة الكتاب أعجبتني كمان جدا 👍

اعتقد الكتاب ينفع يتقدم للأطفال اللي سنهم كبير شوية لو هما مهتمين بالمجال ده هايشرحلهم حاجات كتير بأسلوب سهل وممتع ومش ممل نهائي.