فى " فاستيراس " انتشر الخبر عن حالة اختفاء " للطالب 👨🏻‍🎓 روجر " لأيام ..

يمكن سافر فى استجمام 😎

جايز عند حد من الأصحاب 🤔

طفش من شىء ما …🤷🏻

للاسف لا شىء مما سبق 👆🏻

روجر اختفى لأنه اتقـ***تل 🔪

واللى قتله حد من معارفه

بس ياترى ليه⁉️

عمل ايه يستاهل عليه الموتة ديه

نبدأ التحقيقات 📝

مع واحد واحد من الأصحاب

بس الغريب أنه مالوش معارف كتير

أصله متعقد حبتين

ما هو برضه التنمر مش شىء سهل نعديه 😞

ده بيسيب أثر كبير فى النفس وبيوجع كتير

وبيخلق عداوات من الصعب تتنسى أو نتصافى منها حتى لو بعد سنين

ومن بين التحقيقات هنعرف أسرار الشباب المحيطين وعلاقاتهم مع أهاليهم كانت ايه

كانوا بيحكوا عن نفسهم ولا بيختلقوا مواضيع يداروا بها الحقيقة علشان أكيد مش هيبقوا مسموعين ..

📌فالأسرار حمل ثقيل. وإذا امتزجت بالشعور بالذنب، ستدمر صاحبها.

رواية جريمة نفسية اتكلمت عن مشاكل كتير بتواجه المراهقين .. واضح أن مش الاولاد بس اللى عاملين قلق دول فى بعض الأحيان الأهالى هما بيبقوا أساس الوجع..

استمتعت بها بالرغم من حجمها وتفاصيلها الكتبر لكن كان عندى فضول أعرف مين اللى عملها فى كل دول

التحقيقات كانت ممتعة بوجود سيباستيان ( أخصائى نفسى جنائى ) فى اكتشاف الفاعل ومساعدة المحققين فى فهم نفس الأبطال والتوغل فى بواطنها واللى برضه وراه أسرار ما هو مفيش حد خالى من الغموض لازم فى حياة كل واحد فينا نلاقى شىء مطموس 😉

الترجمة كانت ممتازة هتحس أنك بتقرأ الرواية بلغتها الأصلية..

مستنية باقى الأجزاء مع سيباستيان 😊

#مكتبة_دنيا

#قراءات_٢٠٢٣