بتبدء احداث الرواية بظابط في مجمع سكني (كومبوند) في وقت متأخر من الليل.. و بيدخل فيلا و ببخبط علي بابها لانه جاله بلاغ ان في جريمة قتل فيها؟!

و بيفتح له الباب ٦ اشخاص في سن كبير.. و الغريب ان في صالة الفيلا دي جثة!

و محدش من ال٦ رجالة عارف جت منين ولا ازاي !

انا فيا داء نفسي ابطله وهو اني كل ما اقرأ عمل جديد لمحمد حياه لازم اقارنه بالثنائية العظيمة (اعترافات جثة) و دا ممكن يظلم العمل شوية؟!

لان الرواية دي بكل تاكيد مش رواية وحشة ولكنها مش احسن من الثنائية

نتكلم واحدة واحدة👇

السرد في العمل كان سلس و بسيط جدا بالفاظ سهلة و تليق ع جو العمل.. الحوار بعربية فصحي

شخصيات العمل من اهم جوانبه.. لانها متصممة كويس بخلفية تاريخية تفهمك كتير من حبكة الرواية و تخليك تتعاطف مع فلان و تكره علان - مع اني شايف ان كلهم ولاد كلب😂-

العمل لا يخلو من جرعة التشويق الجبارة الي الكاتب يتميز بها في اعماله

جريمة القتل الي ف شكل لغز علي مدار الرواية بيتحل و يظهر منه جزء جزء.. و احب اقول ان العمل في دراسة كويسة لعلم النفس لانه بيلعب في حتة النفس البشرية و ازاي ممكن انسان عشان حياته يخاطر بسره

حبيت جدا فصل النهاية الي كان لامم كل الدنيا و بيجمع الخيوط و يقفل ثغرات العمل♥️👏

كان عندي شوية ملحوظات معجبتنيش في العمل من وجهة نظري

وهي ان الركيزة الأساسية للعمل مكنتش قوية كفاية وهي اللغز.. لاني انا ك قارئ قارنته بلغز اعترافات جثة و لقيته خسران اووي🫤

و النقطة التانية ان الكاتب استخدم الحوار كتير جدا يمكن العمل الحوار فيه يعمله ٥٠٪ مقارنة مع السرد و دا مش حلو.. كنت افضل استخدام نظرية show not tell

الوصف في العمل كان كويس في التلت الاول بس بعد كدا ضعف وساعات شبه انعدم اذا كان وصف شكل الشخصيات او حتي الوصف المكاني.. برده علي عكس الثانئية 😂😂

معلش يا استاذ محمد انا بحب اوي اعترفات😂♥️

في المجمل عمل كويس مش احسن اعمال الكاتب.. وللاسف في كذا نقطة محبتهمش من وجهة نظري الشخصية التي لا قيمة لها

بس لو ركزنا في اهم شيء العمل دا او اي عمل جريمة و تشويق عامتا محتاج يوصلها للقارئ و هي المتعة و الحبكة المُحكمة ف دا موجود ♥️