يستمر الدكتور محمد طه في توعية المجتمع المصري بأكبر مشاكله النفسية بأسلوب يسهل على ضحايا المنظومة التعليمية من طبقات الشعب المختلفة فهمه. لكن ماتسيبوش بساطة الأسلوب وكون الكتاب منشور بالعامية يخدعكم، الكتاب محتواه ثقيل وبيلفت النظر لمصايب كتير جدا، وألعاب نفسية كل واحد منها ياما بيتعرضلها من اللي حواليه ياما بيلعبها على غيره ياما بيعلبها على نفسه. الدكتور محمد طه كمان بيحاول يرشدنا لطريقة للتعامل بيها مع المشاكل والالعاب النفسية دي لفت نظر كل واحد مننا لأحتياجاته ورغباته وحقوقه ومساعدته على اتخاذ قرارات مهمة في حياته هاتساعده يكون احسن على المستوى النفسي. الوعي ده والقرارات دي ليهم تمن وفي مجتمعنا ده التمن هايكون غالي جدا لكنه بيتدفع في مقابل حاجات ماتتقدرش بكنوز الدنيا.