تقريبا لو كان الكتاب دا اول حاجة قريتها في علوم الكون والفيزياء كان هيبقى شئ مبهر بالنسبة ليا
الكتاب جميل .. لطيف جدا .. والافكار والآراء فيه واضحة
أظن أن أفضل سن ممكن يتقري فيه الكتاب هو مابين 11 و 16 سنة ..
هيساهم في زيادة الشغف بشكل كبير عند أي حد في المرحلة السنية دي
وبالنسبة لأي حد هيقراه بغض النظر عن مرحلته السنية هيستمتع بردو وهيحس بلطف في طريقة الكاتب ونوع من الألفة
.. واعتقد انه ممكن نعتبره من نوع الكتب اللي تساهم في الراحة الذهنية وفي نفس الوقت تستفيد منه كمعلومات وآراء
أكتر مقال عجبني هو اللي بيتكلم فيه عن أينشتاين .. أينشتاين حالة خاصة بالنسبة ليا على المستوى النفسي
من أكتر الشخصيات اللي قريت عنهم وعن حياتهم وأعمالهم .. عشان كدا وانا بقرا مقال كارل ساجان عن اينشتاين كنت مبتسم طول الوقت وانا بتذكر المعافرة والدعبسة اللي كنت بنبشها في كل حتة عشان الاقي معلومات عن الاستثنائي " أينشتاين "
اليوم النهاردا كان لطيف جدا .. مش دايما يوم الأجازة بيوصل لنصه وانت حاسس بصفاء ذهني ونوع من الرضا كدا
:) ..