تخيل معايا
بركة ميه بقالها سنييييييين طويلة محدش جه جمبها
وف يوم من الأيام ورقة شجر وقعت فيها
أكيد الطبيعي ان تتكون حواليها دايرة أو اتنين من الموجات الصغيرة وخلاص
تخيل بقا لو ورقة الشجر تسببت في فيضان!!!!!
غريب مش كده
هيا دي بالظبط قصة جوناثان بطل القصة
حياة أقرب ما تكون للموت يهزها ويقلبها رأسا علي عقب حادث صغير مثل وجود حمامة أمام باب بيته.
الكاتب بيصور الأحاسيس بشكل مذهل
إزاي جوناثان بيخاف من الناس وكلامهم
وإزاي الحمامة أثرت علي حياته كلها
وإزاي بيخطط لأي حاجة بتحصل عشان يتأكد إنها هتنتهي بالشكل اللي هوا عاوزه حتي لو كانت حاجة تافهة
أسلوب حياة قد تبدو بسيطة لا ينقصها شيء ولكنها في النهاية محطمة للأعصاب قابلة للكسر عند أي خدش.
في اخر القصة حسيت بدرس مستفاد :
وهوا إنك إذا أردت راحة البال
عليك إذا ألا تشغل بالك بشيء
ولا حتي راحة البال!!!