مفيش حاجة إسمها قرار صح دايمًا أو قرار غلط دايمًا، مفيش حاجة إسمها انتصار مافيهوش غلطة أو هزيمة مطلقة، إنما مكاسب رمادية وحتى خساير رمادية! مش مجبرين نلتزم بتصنيفات أو مفاهيم ضيقة، إنما عايشين في حالة تطور للوعي باستمرار. فالجهد المهدر والضغط العصبي اللي بنبذلهم عشان نقسم الدنيا على مزاجنا هو في الأصل حرق على الفاضي، سلوك غير ناضج عشان مش قادرين نستحمل صدمات الواقع وخوازيقه المفاجئة، خدعة كبيرة لتشكيل صورة مثالية عن العالم، عشان نكتشف مع الوقت إن الصورة دي غير قابلة للتحقيق..