يعني انت كان نفسك تطلع لاعب كورة مشهور.. ممكن تبقى إيجابي شوية وتغير حلمك وتطلع دكتور وتدرس بقى الطب.. وتعمل الأبحاث والتجارب دي.. بدل ما حد غيرك يقول الطب مقصر تبقى انت عملت إنجاز وتعالج الحالات اللي شبه مريم، وتحل المشاكل اللي الطب قصَّر فيها زي مانت بتقول.. وتنقذ مريمات كتير.. آه، مريم دي ماتت، بس فيه حالات شبه مريم كتير لسه ولسه هتموت لحد مايكتشفوا لها علاج.. شوف بقى انت ممكن تعالج كام مريض مصاب، وعلى فكرة الدكتور لما بيعالج حد هو في الأساس بيعالج عيلة مش بيعالج مريض بس.. بيعالج ناس من الحزن واليأس والألم.. وبكدا تقدر تتلاشى حالات تجيني العيادة شبهك كدا.