- إنت عارف إحنا ليه أصلًا بنعمل عزاء؟ على فكرة هو مش واجب اجتماعي زي ما ناس كتير فاكرة.. لأن دا أكبر من كدا بكتير.. عارف يعني إيه ناس قاعدة حواليك بتتكلم معاك بتحاول بقدر الإمكان إنها تشدك من إنك تفكر غلط.. على فكرة المواساة دي حاجة كبيرة خالص.. لأن اللي بيواسيك بيحاول يخرج من دائرة ضيقة من التفكير والحزن، حاول تقلل فرص التفكير في إنك مش هتشوف مريم تاني، اعتبرها مثلًا ذكرى حلوة.. يا ما ناس بيبقوا موجودين في الدنيا مش بيشوفوا بعض غير كل فترات كبيرة، فاعتبر إن مريم موجودة في ذكرياتك، بلاش تفكر نفسك كل شوية إنك عمرك ماهتشوفها تاني، إنت أكيد بتقابلها.