اعتدل في جلسته وقال بنبرة صوت حادة مرة أخرى:

- عايز تعالجني؟

نظر الطبيب له باندهاش قائلًا:

- أكيد يا أمير، كلنا عايزينك تخف وتبقى أحسن.

- خلاص رجعلى حلمي بقى.

رد الطبيب بلطافة، وقال:

- طيب مانت ممكن ترجع تلعب كورة تاني وترجع لحلمك.

نظر أمير للدكتور بنظرة استخفاف، وقال:

- أنا قصدي مريم، دي كانت حلمي، إنما اللعب دا طريق الحلم.

- بس الحياة عمرها ما وقفت على حلم واحد يا أمير، الأحلام بتتغير مع تغير الظروف اللي حوالينا، يعني أنا كان نفسي أطلع محامي زي والدي، بس ربنا أراد ليا وطلعت دكتور.