اقتباسات من كتاب علاقة منتهية الصلاحية: اكتشف الإشارات التحذيرية قبل الوقوع في علاقة مؤذية

❞ القاعدة الأولى:

⁠‫أي حاجة بتجري وراها في حياتك، بتهرب منك. ❝

❞ وتعالج فيها سنين، عشان ضيعت وقتك في علاقة انتهت صلاحيتها. ❝

❞ متتعاملش مع روحك كأنها «منتهية الصلاحية»، لأن روحك طول ما فيها نفس، تقدر تعيش وتنبسط. لكن مينفعش تقعد تاكل «أكل بايظ» منتهي صلاحيته كل يوم بمعلقة، هتيجي يوم وهتتعب وتحتاج «غسيل معدة» ❝

❞ تكون في علاقة منتهية الصلاحية، كأنك اخترت تأكل أكلة بايظة، بتحط عليها بهارات وتعيد طهيها مع إنها خلاص لازم تتخلص منها، ولو أكلتها هتتعب. ❝

❞ إنها بقت غير صالحة للأكل. ❝

❞ لما تكون في علاقة «منتهية الصلاحية»، كل يوم بتحاول فيه بياخد حتة من روحك، زي بالضبط لما يكون عندك «أكلة بايظة» في التلاجة انتهت صلاحيتها وريحتها وحشة، في حاجة ممكن تخلي الأكلة حلوة؟ لأ، لأن الأكلة باتت وقعدت كتير لدرجة ❝

❞ الفراق أحيانًا بيكون خطوة شجاعة نحو حياة أفضل ومستقبل أكثر سعادة. متخافيش من الوحدة، وخدي قرارك بناءً على راحتك وسعادتك. ❝

لو كنتي في علاقة «منتهية الصلاحية» بتستنزف طاقتك أو بتخليكي تحسي بعدم الراحة والأمان، حاولي تكوني شجاعة وتواجهي الحقيقة. يمكن تكوني خايفة من الفراغ اللي هيحصل بعد الانفصال، لكن الحياة دايمًا بتفتح أبواب لفرص وأشخاص جدد يمكن يضيفوا لحياتك حاجة أفضل.

الحقيقة اللي لازم نفهمها، إن الانفصال أو إنهاء العلاقة مش دايمًا بيكون نهاية العالم، بل بالعكس، ممكن يكون بداية جديدة لمرحلة أحسن في حياتنا. يمكن نخسر ناس، ويمكن نحس بفراغ لفترة، لكن اللي جاي ممكن يكون أفضل بكتير، لو عرفنا نختار صح مخفناش نواجه الحقيقة.. والطلاق ممكن يبقى بداية انك تعيشي حياة سوية ليكي ولولادك. لو العلاقة دي بتستنزفك يبقى بلاها.

لما تعوز بجد تتغير أو تغير موقف، هتغيره لما تقرر مش لما تفكر.. لما تاخد خطوة للتغيير.

‫ إنتي تقدري تبقى كويسة، ولوحدك.. لازم تعرفي إنك مش ناقصة حد..

‫ السفر مع صاحبة مقربة أو لوحدك مهم، ساعات بنحتاج نبعد عن كل حاجة ونسكت الدوشة اللي جوانا ونكتشف أكتر عن نفسنا وده بيتحقق بالسفر لوحدك.

‫ أما السفر مع مجموعة أو صديقة مقربة، فده مهم للروح عشان بيبقى اتنين اجتمعوا على الاستمتاع والاكتشاف، هترجعي مبسوطة ومفرفشة وممكن كل الأسئلة اللي جواكي تلاقيلها إجابة، وممكن لا ومفيش مشكلة من ده.. المهم انك عارفة انتي عايزة إيه

بلاش تفكري: هو العوض

‪ He is the one, he is the one I have been waiting for

‫ عشان هتلاقي منه العوض وعليه العوض.

تجاهلي ضغط الأهل والمجتمع والسوشيال ميديا، متتوتريش. في جملة قريتها بالصدفة للكاتب واين داير بتلخص فكرة التوتر..

‫***لا يوجد ما يسمي بالتوتر في هذا العالم، بل توجد أفكار مثيرة للتوتر“.

‫ إدي لنفسك نفس الحب والاهتمام اللي مستعدة تديه لأي شخص يظهر في حياتك، يعني زي ما عندك استعداد تحطيه على راسك وتلفي بيه لا من باب أولى تحطي نفسك أولوية، وما تخليش حد لسه متعرفة عليه هو اللي أولوية، لكل حاجة ثمن ولما يثبت انه يستاهل وانه مش جاي يضيع وقتك وانه شاريكي وشاري راحتك، اشتري راحته هو كمان، بس دايمًا عززي نفسك.

‫ القاعدة الأولى:

‫ أي حاجة بتجري وراها في حياتك، بتهرب منك.

‫ القاعدة الثانية:

‫ الرجالة اللي بتجري ورا الستات وبتعمل كل حاجة هي عايزاها مش شرط تكون الست استثنائية وما فيهاش غلطة.

‫ هي ببساطة مش بتبين انها مهتمة أوي.

مش مشكلة احس بالخوف.. هيعدي، زي ما أي حاجة وحشة عدت في حياتي.

أكذوبة I CAN FIX HIM دي خدعة عقلنا بيقنعنا بيها، بس عمرك ما هتغيري أي حد لا بالحب ولا بالتقبل ولا بالنصيحة.

❞ إن أقصر السبل إلى حل المشاكل هي المواجهة والوضوح، وقد تكون المواجهة قاسية لكنها أرحم من الهروب، وقد يكون الوضوح مؤلمًا لكنه أقل ضررًا من التجاهل ❝

البقاء في علاقة منتهية الصلاحية ومكملة فيها وانتي مش مبسوطة حاجة صعبة. لما تستمري في علاقة مش مريحة أو مش بتقدري تلاقي فيها السعادة، ده بيأثر على صحتك النفسية وراحتك.

‫ أحيانًا، ممكن نحس بالمسؤولية أو الخوف من الوحدة، فبنفضل نكمل حتى لو العلاقة مش نافعة. لكن الحقيقة إنك تستحقي تكوني في علاقة بتدعمك وتديكي طاقة إيجابية، مش علاقة بتحسسك بالإحباط أو التعب.