اقتباسات من كتاب سجلات الليدر شيت

❞ القيادة السيئة عاملة زي لعنة الفراعنة اللي ملهاش أي فايدة ولا ليها أي حل، ❝

❞ في الشغل بقى، ممكن تلاقي موظف جايب آخر الدواسة في حاجة مش جايبة همها أساسًا وهو مكسل يشوف طريقة بدالها أو يطورها، بس بالنسباله اهي حاجة ابرك من ولا حاجة. ❝

المدير الفاشل، عامل زي الشيف اللي بيحرق الأكل، ويرمي التهمة على الفرن، ويقدم أكلة محروقة للزبون.

اللي ميعملش حساب لاحتمالات التطور، احتمالات التطور هتعمل من فخاده بطاطس محمرة.

إن 75 ٪ من الموظفين بيقولوا إن اوسخ حاجة في شغلهم هي مديرهم المباشر، (دا بجد بقى وفقًا لدراسة عملتها مؤسسة جالوب).

‫ تخيل 75%!!!

وافتكر إن التفاوض حرب، بس مش حرب أسلحة، دا حرب كلام فلازم يبقى كلامك متخطط وموزون. 

عشان كدا لازم تستعد، ذاكر النقط اللي هتتكلم فيها واحفظها، اتوقع الردود والجدال اللي ممكن يحصل، متعندش من أجل العند، خلي كلامك دايمًا مثبت بأرقام وأدلة، وطبعًا أهم حاجة في التفاوض هي الهدوء، أنت مش داخل تحارب التتار!

يا بيه إنت مش في اللا لا لاند والدنيا بمبي والجو بديع والدنيا ربيع، إنت في حياة عملية، زي اللي في ساحة حرب، لازم ينتصر، ممكن ينتصر بالحرب أو ممكن ينتصر بالتفاوض، لازم تبقى عندك ملكة التفاوض ومتجزمش دماغك عشان تعرف تطلع بأقصى استفادة من الوضع اللي يساعدك على النجاح في أي شغلانة إنت

نيلسون مانديلا قال: «لا تحكم علي من خلال نجاحي، احكم علي من خلال عدد المرات التي سقطت فيها وقمت من جديد».

حدد أولوياتك، مش هتغير العالم في يوم يا عم باتمان والله، بس ممكن تغيره مع الوقت والمجهود، ركز على المهم، خلصه وانقل على اللي بعده.

شوية شوية كل ما يبقى عندك الخبرة والحنكة أكتر، هتعرف إن مش كل حاجة تقدر تتحكم وتسيطر عليها خصوصًا الأشخاص الآخرين، وهتتقبل دايرة وحدود نفوذك، هتحدد أولويات معاركك، كل اللي عليك هو السعي بكل الطرق الممكنة وشوف بعد كدا توفيق ربنا يخليك زي العنقاء مفيش حاجة تكسرك ولو اتحرقت هتقوم أقوى من الرماد … ما هو ياما دقت على الراس طبول.

يعني لو إنت من أصحاب مبدأ إنك تكبر اللي معاك في التيم وتظهرهم، هتلاقي نفسك مدفوع بالمسؤولية وانت بتدافع عنهم وتحارب عشانهم وعشان مستقبلهم وتعلمهم وتساعدهم يبقوا نسخة أحسن من نفسهم …

لازم تبقى مبادئك وقيمك متماشية ومتوافقة مع هدفك في شغلك، كل واحد عنده مجموعة قيم ومبادئ ماشي بيها، والتوافق معاها مش بس بيديك دافع واصرار ومثابرة في تحقيق اهدافك، لاء دا كمان بيديلك شعور بالرضا عن نفسك والثقة عشان بتعمل الصح …

في الأوقات الصعبة، هتلاقي فريق العمل بيراقب أفعالك ويحاول يقرا تعبيرات وشك أو يفك شفرات كلامك عشان يفهم أو يتطمن منك على اللى بيحصل في الشركة …

‫ خلي بالك مش كل حاجة ينفع تتقال بس لازم يبقى في قدر كبير من الشفافية واحترام دماغ الناس حتى لو مش هتقول تفاصيل، لو هما واثقين فيك وانت عامل اللي

خد استراحة محارب، اهدى شوية وفكر وركز واستعيد قوتك وطاقتك وادخل العاركة تاني، عشان لازم نفضل نعافر في الدنيا ونحافظ على نفسنا وشغلنا والناس المهمة في حياتنا …

فالراجل ربنا يكرمه قعد اتكلم معايا وشرحلي معنى المثابرة، وهي القدرة على إنك تستمر في عمل حاجة معينة رغم صعوبتها ورغم الوقت اللي هتاخده ورغم كل المعاكسات والظروف اللي هتعاندك. 

«طريق النجاح مش مفروش ورد وفل وياسمين، دا طريق عايز شغل من نار ومجهود جبار وصبر وشخص مسؤول قادر يتحمل الطريق» دا كلام مدير ليا زمان أيام زمن المرمطة الوسطي الجميل. 

الشخص اللي نجح إنه يغير فعلًا مش شرط يبقى اذكى واحد في المجرة، بس شرط إنه يبقى عارف يعمل مناورات تخليه مستعد لأي مقاومة جاية في وشه، ويبقى صبور ويتحمل وينشف شوية ما دام هو عارف إنه صح. 

كلنا بنتعرض للمقاومة، إنت أول ما تفكر تعمل حاجة جديدة مختلفة هتلاقي مليون واحد وحاجة بتحاول تحاربك، وكل ما التغيير اللي عايزه يبقى كبير كل ما المقاومة هتبقى أكبر.

‫ التغيير هو اللي بيخلي أي مكان يكبر، وما دمت بتشتغل في مكان يبقى لازم تشتغل بما يرضي الله وبما ينفع المكان دا مش بما يرضيك إنت. (لو مش عاجبك افتح فرن واعجن براحتك).

لو الموظف حس إن مديره مكبره ومشاركه السبب والنتيجة بتاعت التغيييرات المطلوبة، فالمدير هيلاقي الموظف انشكح وحس إنه جزء من التغيير وشريك في القرارات وهيبقى ملتزم ومستعد لكل اللي جاي. 

‫  ودا بقى بيسموه تبادل المدير والموظف leader member exchange (LMX)