اقتباسات من كتاب سجلات الليدر شيت

إن 75 ٪ من الموظفين بيقولوا إن اوسخ حاجة في شغلهم هي مديرهم المباشر، (دا بجد بقى وفقًا لدراسة عملتها مؤسسة جالوب).

‫ تخيل 75%!!!

لو لقيتها ماشية متلعبش في حاجة.

بلاش تعيش مغيب في اللا لا لاند، ودايمًا اعمل حساب أسوء سيناريو.

«هاشتاج فريق الأحلام»، «هاشتاج انتو قدها وقدود»، «عاش وحوش الشركة عاش». 

‫ حاجات كدا بقى من اللي بتموع وبتقلب البطن دي.

كان في موظف طيب وجدع وشاطر وغلبان، ميعرفش يقول لاء لحد في الشغل، فطبعًا مديره كان مشيله شغل الإبل لوحده بدون حد يساعده حتى أو يشيل شوية معاه، ولو طلب مساعدة، يقولوله اه طبعًا حاضر كمل إنت بس واحنا هنجيبلك حد معاك

إنت ممكن تخسر ناس شايلة الشغل وبحب واهتمام وشغف وشطارة وتركيز وطموح، عشان غباء التعامل معاهم. 

وفقًا لاستطلاع عملته جمعية علم النفس الأمريكية في2019، 59% من الموظفين الأمريكيين بيقولوا إنهم بيتعرضوا لقلة ذوق واحترام في الشغل مرة واحدة على الأقل شهريًا. (والله محترمين بتوع أمريكا دول، إحنا بنتهان يوميًّا على الأقل ستة وتسعين مرة).

في استطلاع عمله موقع **** في 2018، اعترف 76٪ من المشاركين بأن عندهم مدير توكسيك متكسك حياتهم.

بناءً على نتيجة استطلاع عملته مؤسسة غالوب في 2014، واحد من كل اثنين الموظفين سابوا شغلهم هاربانين من مديرهم.

ممكن تلاقي نفسك شغال مع تيم بيعبدوا الفجل ومش فارق معاهم لا منظومة ولا عواقب ولا دنيا ولا دين.

‫ الأداء اللي بعافية: لما يبقى التيم أداءه زي الخرا، أكيد المنظومة هيبقى أداءها أخرى.

لو الزمن رجع بيك، هتعمل حاجة مختلفة؟ 

‫  نظرية الحتمية بتقول لاء، وغالبًا هتعمل نفس اللي عملته لو اتعاد مليون مرة.

لو بتسأل نفسك هل المدير الشمال زيه زي المجرم؟ 

‫ الإجابة «أيوا طبعًا»، أنا بشوفهم كدا!

المدير الوحش هو اللي بيقى عنده leadershit مش leadership! 

‫ وممكن يوصل إنه يدمر اللي حواليه ويأثر على حياتهم وبيتهم كمان مش بس شغلهم. 

بيوفر الدعم والموارد اللي الموظفين محتاجينها، ومش بيخليك تحس إنك غبي لما تسأله على حاجة أو تطلب مساعدة منه

إنك تبقى شخص معدنك نضيف وطيب وقلبك فيه خير، دي حاجة لا تقدر بثمن، سواء في الشغل أو في الحياة عموما.

متعليش سقف الأهداف والتوقعات على الموظفين لدرجة إنك تخنقهم من الشغلانة وتخليهم يضحوا بحياتهم الاجتماعية والأسرية، هيقلبوا عليك هيقلبوا عليك. 

الضغط الزيادة عن اللزوم والأهداف اللي مش منطقية بتخلي الموظفين يلجأوا لأي حل حتى لو اتخلوا عن الأخلاقيات والمبادئ.

لقوا بردو في استطلاع عملته مؤسسة HBR، إن 91٪ من الموظفين قالوا إن سوء التواصل بيؤدي إلى ضعف الروح المعنوية للموظفين وبالتالي ضعف الإنتاجية

القيادة والإدارة السيئة مش بس بتخسر الموظفين الكويسين، دي بالوقت بتخسر العملاء بتوعها.

‫ أثبتت الدراسات أن الشركات التي ماشية بنظام حوكمة أحسن، يعني عندها غطرسة إدارية قليلة، وتحمل مسؤولية ومساءلة كتير، بيبقى ليهم قيمة تسويقية أعلى.

لاء والأنقح والأضل، المدير السيئ بيبقى سبب إن الموظفين الشاطرين يلموا حاجتهم في بؤجة وياخدوا ديلهم في سنانهم يفلقوا من المكان.