سجلات الليدر شيت

الكتاب لي عليه عدة ملاحظات

أولا استخدام ألفاظ لا تليق أن توضع بكتاب مثل ( كييف الخرا يجيبله مغرفة ) وكلمات زي ( أوسخ حاجة ) وغيرها من الألفاظ اللي بتحاول الكاتبة انها تستخدم لغة عصرية ولكن للأسف هذه لغة شارع.

النقطة الثانية أن في بداية الكتاب ذكرت الكاتبة أن الكتاب ( ما اتهرسش قبل كده وانه بيقدم شئ جديد ) ولكن الكتاب عبارة عن سوالف ( اتهرست ) على كل صفحات التواصل الاجتماعي والمواقع.

بصراحة الكتاب خيب ظني

الكتاب دمه خفيف بيتكلم عن مغامرات كل انسان في شغله مع انواع كثيرة من القيادات ال shit الكتاب مقسم ل ٣ أجزاء الجزء الأول بيتكلم عن شركات عالمية وأخطاء وسقطات أدت إلى ضياعها أو افلاسها وسط عالم متسارع النمو والتغير ..

الجزء الثاني بيتكلم عن قصص الكاتبة نفسها اتعرضت لها ووسط القصص ديه بتعرض لنظريات وشخصيات ومواقف في حياة شخصيات مهمة.

الجزء الثالث قصص من وحي الخيال عن الادارة والمدير واللي عايزنهم وأي تشابه بين الخيال والحقيقة لازم تصدقه طبعًا..

مميزات الكتاب

سهولة طرح الأفكار اللي تحس إن حد صاحبك قاعد جنبك ما تعرفش هو بنقلك خبراته ولا بيشكي لك معاناته من الليدر شيت اللي أكيد انت كمان اتعرضت لمواقف زيها ، اللي هو بتقولك معلش مش لوحدك كلنا عانينا هذه المعاناة.

الحاجات اللي عطلت جمال الكتاب ، كثرة الأخطاء الإملائية وديه طبعا مشكلة المراجع اللي راجع الكتاب أكثر منها مشكلة كاتب أو مؤلف ، ثاني حاجة العامية المفرطة اللي هو تحس إنك مش بتقرأ كتاب مش مكتوب بالعامية لكن كان حد بيحكي بالفرانكو والثاني بيكتب اللي بيتقال فتقف على شوية كلمات علشان تقراها مرتين وتلاتة علشان تفهم المقصود ، الإيفيهات الكثيرة في الأول ضحكتني لكن مع زيادتها حسيت اللي هو لا كفاية كده خلاص بقت قديمة ومش بتضحك ، في الجزء الثاني من الكتاب ، الكاتبة كانت بتعرض لفكرة وفجأة لقيتها بتعيد صياغة الفكرة بالإنجلش وساعتها ده فصلني ووصلني من الكتاب رسالة اللي هو أنا حاسس انك مفهمتش بالعربي طب اقولهالك بشكل أوضح بالإنجلش ، في جزء كده وفي عز العامية وافيهات كل الأفلام والمسرحيات في كلمة كده فلتت وهى بتقول "دعني احكي لك " اللي هو بقالنا ٣ ساعات عاملين نخلط على كتاف بعض ونضحك وتعالى احكيلك وخليني اقولك وفجأة "دعني" !!

الكتاب فيه تعبيرات حسيتها مش مناسبة أو فجة أو لغة افلام نامبر وان ، بس يمكن يكون الكاتب قاصد علشان الكتاب يخاطب بيه السن الصغير وكأنه بيقوله أنا بتكلم بلغتك اهو علشان تفهم قصدي بس أنا التعبيرات ديه مكنتش الذ حاجة بالنسبة لي ، يمكن فرق أذواق فرق أجيال .. الله أعلم

الغلاف طبعا تحفة ولذيذ ، والكتاب في حد ذاته بيعرض لأفكار ونظريات مهمة بشكل كوميدي ساخر ، لو انت نكدي ذي حالاتي خرج الحاجات الحلوة اللي في الكتاب واكتبها بأسلوبك الجاد هتلاقيها مفيدة جدا ، وذي ما قولت لك ممكن تكون الكاتبة مستهدفة سن صغير من القراء

في النهاية ولو وصلت لحد هنا أتمنى لك وقت لذيذ بين صفحات الكتاب.

الكتاب فيه الفاظ مش كويسة والهزار زايد عن حده

برغم انه محتواه حلو

كلام فاضي ومضيعة للوقت للأسف

الكتاب لطيف، بالعامية، يبدأ بقصص شركات أفلست وخرجت من السوق والدرس المستفاد بشكل سريع قصير ومختصر.

مشكلتي حين اكتشفت معنى الكتاب ولما وردت كلمة "خرا" كذا مرة، أفقدتني القدرة على إكمال الكتاب.

كتاب غير جيد .معلومات مجمعة ولا تعمق في أسباب فشل ادارة الشركات فقط بعض الأمثال والملاحظات.

قص ولزق من كذا كتب ومحاولة تقليد بعض الكتاب عن طريق الكتابة العاميه

الفكرة كويسة والطرح مطلوب، لكن الطريقة ليست بالافضل...

الleadedshit أخرتها وحشة على الفاعل والمفعول به!

في كتابها اللي نزل مؤخرا المعنون بسجلات الليدر شيت استعرضت معانا كاتبته د/سالي العقاد اللي شغلت مؤخرا منصب الرئيس التنفيذي المنصة الأحب إلى قلبي، منصة أبجد، دراسات اتعملت على تأثير الإدارة والمدير على الموظف وسياساته االي بيتبعها على الموظفين من حيث الإنتاجية وصحته البدنية والنفسية.

مش من عادتي أكتب مراجعة بالعامية، بس الحقيقة لأن الكتاب نفسه مكتوب بالعامية رغم ما يحويه من معلومات قيمة وثري جدا بقصص كيانات ضخمة فشلت بسبب سوء الإدارة، ناهيك عن قصص لموظفين بارزين اتظلموا بسبب التعنت والصوت الفردي للرئيس التنفيذي أو للتمييز العنصري سواء حسب لون البشرة أو الجنس خصوصا مع فترات حمل ورعاية الطفل بالنسبة للسيدات.

حسيت أني حابة أتكلم عنه بالعامية.

الكتاب طول الوقت بيخليك تفتكر فترات حالكة بل وشديدة السواد الصراحة كل ما تفتكر المواقف اللي مريت بيها في حياتك واتظلمت فيها وماتقدرتش بما يكفي في محيط شغلك من قبل الإدراة، ويمكن لأن شغلني مافيهاش مجال للتفاوض على راتب مثلا لأني مش بشتغل في القطاع الخاص، إلا أننا مازلنا نعاني من تشدد مديرين فاكرين أن السيطرة في الزعيق والتحويل للتحقيق وممارسة سياسة فرق تسد، والتمسك بصوتهم فقط وفقدان القدرة تماما على التواصل.

الكتاب فيه مقاطع كتير هتضحك فيها بصوت عالي ومقاطع تانية هتلاقيك صعبت على نفسك فيها، أيوة بأمانة زي مابقولكم كدة، أصل مين فينا يعني اتعامل مع كل المديرين اللي مروا عليه في مشواره الوظيفي وكانوا أسوياء !!

المهم يعني، الكتاب لطيف جدا، سهل في الاستيعاب، فيه نتائج لدراسات كتير يعني ماكنش مجرد حكاوي، لأ كان فيه جانب علمي متقدم بشكل لطيف جدا ولغة سهلة.

للأسف الأخطاء الإملائية اتكررت في صفحات الكتاب.

وللأمانة ماتضايقتش كون الكتاب مكتوب بالعامية.

كتاب قيم وجميل خدت منه معلومات كثير تفيدني في إدارة مشروعي الصغير

كمان حسيت أنه في حد مدير كده بالفطرة ولقيت حاجات كثير بعملها بشكل عفوي وتلقائية

لكن التبويب والعناوين والمواضيع غير مرتبه بشكل جيد

عارف التلميذ المجتهد اللي مبوظ شكل الصفحه وكاتب بره السطر

كمان الألفاظ العاميه اللي مش لطيفه انتقصت من قيمه الكتابه وخرجت من هدف تبسيط المعلومه لدرجه من الابتذال اللفظي مكنتش حاباها

كتاب ان الادارة و القيادة بأسلوب سهل وسلس جداً وممتع

محاسبة اوفاق مطلسم

فاشالجيدآن توفو

ماهذا!!!!!