عشق السموم : أحد عشر مركبًا مميتًا والقتلة الذين استخدموها

❞ كيف ترتكب جريمة كاملة؟ بادئ ذي بدء، يجب أن تتخلص من سلاح الجريمة بطريقة نظيفة، وهي مهمة قد تكون صعبة إذا كان السلاح سكينًا ملطخًا بالدماء أو مسدسًا مغطى ببصمات الأصابع لكن ماذا لو كان سلاح الجريمة شيئًا بسيطًا يذوب ❝

❞ الأدوية ليست خبيثة في جوهرها: فهي مجرد مواد كيميائية ومع أنه من المزعج أن العديد من العلماء ومقدمي الرعاية الصحية قد استخدموا معرفتهم ليس لمساعدة الناس ولكن لإلحاق الأذى بهم، فليس من المبالغة القول إن المسؤولية عن مثل هذه الفظائع❝

كتير بنقرا او بنشوف في عمل درامي المجرم/ة بيطلع ازازه صغيرة ينقط منها علي اكل او عصير او يدوب مسحوق أبيض في العصير

و بعدها البطل يمسك بطنه و يقول اه يا بطني بطني بتتقطع الحقوني .

فهل حد فكر السم ده بياثر ازاي علي الجسم و هل فعلا ممكن التاثير يكون سريع كده ... و اكيد كمان شوفنا المشهد المتكرر في افلام الجاسوسية فجاه العميل المكشوف ستاره بياخد كبسوله السيانيد ياترا ده شغل تمثيل ولا ده فعلا ده اثره سريع كده .

الكتاب ده بيجاوب علي الاسئلة دي و بنعرف تاثير السموم المشهوره و ازاي استخدمت علي مر التاريخ في جرائم و ازاي تم الكشف عنها في وقت كان لسه مفيش طب شرعي ولا اجهزه اختبار سريعة تقدر تدي نتائج سريعة .

يمكن بالنسبالي كان اكتر معلومة عرفتها و صدمتني في الكتاب ده اني كانوا بيتذوقه السموم او اكل اكله الضحية عشان يحدده نوع السم انا مش عارف ازاي حد يجيله قلب يجرب سم عشان يحدد هو ايه نوعه .

تقيمي 4 نجوم لانه الكتاب مش علمي اوي بالرغم من انه بيشرح تاثير السموم علي الجسم و ازاي بتتسبب في الوفاه لكن بشكل مبسط تقدر تستوعبه .

اعتقد الكتاب هيبقي لذيذ لمحبين أدب الجريمه زي حالاتي

هو النقد الاكبر بالنسبالي للترجمه في فصول ترجمتها حلوة جدا و فصول في اول الكتاب كنت حاسس اني فيها حاجة غلط و انا بقرا الكتاب