- رحلة اولي في عالم الجريمة النرويجية.
- ابدأ منين عشان اكلم عن التحفة الفنية دي اللي كانت سبب في سهري عشان اقرا أكبر قدر ممكن منها... و مدايق اني اتاخرت في قراتها بعد ما كذا مرة اكون ناوي ابداها.
- سلسلة جرائم بتبدا باختفاء عداءة اوليمبية لكن دي بتكون البدايه بس و تبدا سلسلة جرائم بيكون الضحايا من المشاهير في مجلات مختلفة فجأة المحقق بيليكس بيلاقي نفسه وسط جرائم اختطاف و قتل و بمساعدة صحفية في مجال الفن يكتشف رابط بين الجرائم المختلفة.. لكن ظهور الصحفية ايما بيفتح جرح قديم في بداية حياة المحقق بليكس المهنية .
- الاثارة و التشويق في العمل ده تاخد ١٠/١٠و نجمة و حضن كبير انت حرفيا هتبقي بتجري مع فريق التحقيق و بين السبق الصحفي و بين اني فجأة الجرائم هتتداخل و تتشابك ده غير حياة بعض الابطال الشخصية بعيد عن العمل .
- رسم الشخصيات ممتاز و اعتقد في باقي السلسلة هنعرف و نغوص اكتر جوه فريق التحقيق لكن يحسب للكاتبين هنا اني بالرغم من اني ده الجزء الاول من السلسلة الا اني العمل كان مركز علي الجريمة بعيد عن سرد تاريخ الشخصيات بشكل كبير يخلق ملل في القراءة.
شخصية المحقق في العمل ده مكتوبه بفن.
- حبكة العمل عنها مركبة و متماسكة جدا و مكتوبة حلوة جدا .
- السلسله دي لازم دار العربي تسلط عليها ضوء اكبر و تكمل الباقي بسرعة لانها جريمة نموذجية.
- نيجي بقي لنقطة الترجمة الرواية مترجمه عن الانجليزية لكن الترجمة كانت حلوة جدا و سلسه جدا نسبة اخطاء املاء صفر .
