بنات عرفان : 2 (بهيرة)

احلى رواية قريتها فى القراءات الاحتماعية

انتهيت من قراءة الرواية من ساعة ما فتحتها ما قدرتش اسيبها الا لما اخلصها

في الجزء الثاني بنستوعب اكتر ليه السلسلة اتسمت بأسم الأب عرفان لأن تأثيره ما كانش مقتصر على بناته بس بالعكس تأثير عرفان ممتد لأغلب أبطال السلسلة مش مجرد أب واقف في ضهر بناته ومديهم القوة والثقة حتى لو غلطوا وكانوا فاكرين إنهم بياخدوا حقهم من الدنيا

لا بقية الأبطال متأثرين بيه ومتأثرين بكلام سمعوه منه من سنين طويلة ولحد اخر لحظة كان بيعلمهم دروس في الحياة وبيخليهم يكفروا عن أخطاء كانوا فاكرينها حقوق مكتسبة

حقيقي استمتعت جدا😘بحكاية بهيرة

وجميل اوى ان الكاتب يحافظ على التجديد

والاختلاف في الحكايا اللي بيقدمها خاصة لوكانت

مليانة مفاجأت كمان ابهرتني بجد

مع عدم وجود ملل لحد مانتهيت منها

بشكر الكاتبة على الرواية

وحكايات بنات عرفان

وعقبال حكاية وسيلة💕

مراجعه لحبكة من الحبكات المشهورة بس بطريقة جديدة

بجد متتوقعش ايه اللي حاصل الفصل الجاي

شابوه للكاتبه ❤️

بانتظار الجزء الجديد 👏👏👏

رواية مميزة

كتاب جميل

كان متعة فنية خالصة كل شخصيات القصة تجسدت امامي وكاني اعرفها حقا لم استطع ترك القصة حتى انهيتها مع شعور غامر بالفرح فهذا الكتاب هو بداية عودتي للقراءة بعد انقطاع طويل

جارى القراءه داخل مخصوص عشانها

حبيييييييييييييييييييييت

لحظة تحقيق أي حلم طال انتظاره بتكون زي لحظة النصر في معركة طال الظلم فيها وأخيرًا جت لحظة التحرر..

"بهيرة"..

صاحبة الحلم المنزوع منها بالقوة والمعاقبة على ذنب لا يد لها فيه، ولكن المركب غرقت بيها في وسط كل اللي حصل وهي رفضت النجاة وتشبثت بالغرق وبس، قافلة على نفسها جوه بوتقة محمية جواها بطيف من ماضي متشبثه بأذياله لتحقيقه في يوم ما..

ولكن في وسط التشبث ده هي كانت بتغرق من غير ما تشعر، محبوسة ومش نايلة حرية، مش فاهمة ولا قادرة تدرك غير كل ما هو سيء في حقها وبس، وإنها ظلمت بلا ذنب!

لذلك لحظة عودة الحلم من تاني، هي قررت تغتنم حلمها من يد الدنيا بالقوة ورغم أي شيء، بس تحس إنها رجعت تعيش وبس من تاني، ولكن للأسف هي كانت بتغرق أكثر وبتغرق اللي حواليها بدون وعي كامل منها، هي بس كل وعيها إنها بتكتسب حقها وبس..

لذلك لحظة المواجهة مع ذنب عظيم في فقد أعظم وخسارة جدار قوي من الحلم كانت لحظة الاستيقاظ القوية، اللي استغلتها وحاولت تعفو عن ذنبها وعن حلمها اللي اغتصـ بته بالقوة..

حلم اتحقق بجد، لحظة التحرر، لحظة المواجهة، لحظة الحر يق اللي كانت بتمحي كل معلم لأي ذرة من ذرات الحلم هي كانت لحظة الحلم نفسه وبدايته..

لحظة خروج "بهيرة" الحقيقة من بوتقة الماضي بالكامل والنبش في الدهر لأخذ حقها المسلوب، لحظة الإدراك الكاملة، لحظة التحرر الحقيقة..

وبالتالي بداية خطوة الفراق والتمزق التانية بالطلاق، كانت بداية التحرر الكامل بيها وبالأمانة اللي في رقبتها اللي هتحافظ عليها لرد الدين المعلق في رقبتها بالظلم لغيرها..

لحظة تحقيق الحلم الحقيقي والوعي، لحظة عودة الماضي وفهم أبعاده بجد وإنه كان نجاة وليس ظلم..