لاشين - الكتاب الثاني عشر: الزوجة أول من يعلم

الجزء ده مقبض قوى لانه حسسنى ان التغيير اللى حصل فى حياة سهير ورانيا محررهمش لا ده وجعهم وانهم بقوا لوحدهم انا كان نفسي اطبطب عليهم واشد أزرهم طبعا جرعة الرعب والغموض والتشويق رائعه مخلتنيش ارمش لغايه اخر حرف شكرا استاذة شيرين

قراءة أولى من خلال أبجد بمناسبة عيد ميلاد دار كتوبيا العزيزة

وهنا نتعرف على مغامرة جديدة لسهير زاهر ورانيا بعيدا عن لاشين.

توقعت ما هو أكثر إثارة وتشويق ولكنها تجربة تحمل المزيد عن رانيا وتطور شخصيتها ومنتظر منها المزيد.

#أحمدمجدي

لاشين الزوجة أول من يعلم العدد 12 (عدد معرض القاهرة2024)

و قبل ما اتكلم عن العدد لازم اشكر شيرين هانم هنائي علي انها بتسمع و بتستجيب لرأي القارئ ، كانت مفاجاة و انا بقرا العدد علي أبجد اضافة مقدمة ثانية بتعمل تذكير و انعاش للذاكرة عن الشخصيات.

السلسلة يمكن مش بالشكل اللي كنت احبه لكن فكرة ان راي االقارئ مهم عندك يا استاذة يخلينا نستمر في اننا نقول راينا

العدد ده عدد صغير مكير بعد عدد رحلة الاردن ، ولازم اعترف ان الاستاذة شيرين قدرت تضحك علينا في العدد ده ومش هفسر اكتر من كده عشان اللي لسه هيقرا العدد

و الصراحة كان نفسي يكون اللي حصل ده له سبب غير السبب الحقيقي اللي طلع وراه

و عندي بقي شويه ملاحظات

اولا : اللي حصل و اتعرضت له سهير و رانيا مش منطقي ان حد يغامر بكل المصاريف دي و هو مش ضامن انه هياخد الموافقة علي العرض.

ثانيا : نقد رجاء لسهير و انها بقيت مطلقة شايفه مش مكانه .

ثالثا : خلينا متفقين ان السلسة قائمة علي الغموض و الماورائيات و بطلنا العزيز ادم لاشين لازم يكون موجود بشكل فعال في الاحداث مش راوي فقط ولا يظهر في مشهد .

رابعا : الجزء الاجتماعي مطلوب للتفاعل مع الشخصيات لكن زاد جدا و انا اصلا ما كنتش حابب فكره غيرة اسامه الزياده .

خامسا : انا عاوز في كل عدد تكون مغامره فيها ابطال السلسلة مجتمعين لان حتي اما مهاب ظهر في العدد ده ظهر في الاخر خالص .

سادسا : عرفت ان العدد ال 13 تقريبا نفس المود و قرات ردك يا استاذة ان العدد ال 14 السلسلة هترجع للخط القديم فاتمني نرجع بقي بمغامره بمستوي مغامره الضحاك او كاهنة الاوراس .

سابعا : بفكرك يا استاذه اننا لينا لسه عندك مغامره امريكا دي اللي لسه عاوزين نعرف تفاصيلها عشان نكون قفلنا الفصل بين البرنامج و بين السلسلة.

تقيبمي للعدد 4/5

تبدأ الأحداث من حيث انتهت مغامرة الكتاب العاشر - نوم العصاري - بمأساة عائلية تسببت فى انهيار حياة سهير الأسرية.

سهير ورانيا ابنتها هما بطلات الأحداث الغريبة والمريبة التى تحدث وتورطا فيها. جو من الغموض والإثارة يحيط بهم منذ البداية ولا تستطيع سهير أن تجد تفسير ما ورائي لما يحدث رغم خبرتها الطويلة فى هذا المجال.

الكاتبة لعبت على نقطة هامة جداً هى مدى تأثير الصدمات النفسية التى يتعرض لها الانسان - خاصة اذا تسببت فى فقدانك عزيز أو شريك حياة إما بالموت أو الطلاق مثلا - على جودة حياته فيما بعد. هذه الصدمات من الممكن جداً أن تجعلك تنأى بنفسك وتبتعد عن مواجهة أمور ومشاكل كنت لا تتردد فى مواجهتها بكل حسم فيما مضى. الصدمات تجعلك تتقوقع على نفسك وترفض أن تشارك فى أى أحداث أو تجارب أخرى مماثلة خوفاً من الانتهاء إلى نفس النتائج مرة أخرى.

هناك طبعاً الجرعة المعتادة من الكوميديا التى تخفف من حده الإثارة والتى تتناسب مع ما يحدث حولنا من أزمات اجتماعية واقتصادية معاصرة نعانى منها جميعاً.

الأحداث تسير بك طيلة الوقت غامضة ومريبة وتثير الشكوك ولا توجد أى اشارة تساعد فى فهم ما يحدث حولنا إلى أن نصل إلى الأمتار الأخيرة فتتكشف لنا الحقيقة ، لكن تصر الكاتبة ألا تتركك مرتاحاً وهانىء البال فتعود وتثير التساؤلات والشكوك حول ما اذا كانت الحقيقة غير ذلك رغم ما تحمله من تفسيرات لا نقبلها أو لا يريد عقلنا أن يتقبلها لأنها تتنافى مع المنطق الطبيعي للأمور.

فى النهاية نحن أمام كاتبة تفاجئنا بالجديد فى كل مرة وما زال فى جعبتها الكثير لم تقدمه بعد وهذا هو سر نجاح سلسلة لاشين بكل تأكيد.

فى انتظار الكتاب القادم بكل تأكيد.

أول مغامرة لسهير بمفردها دون الاستعانة بلاشين وإن كانت استعانت بمهاب على مضض منها بعد أن تيقنت أنها لن تستطيع بمفردها

إيهاب ونسمة صديقان لسهير غير مقربين يأتيان لزيارتها ، وتترك نسمة لها هدية بها اشارة استغاذة، مما يحفز سهير وابنتها رانيا على محاولة مساعدتها ومعرفة الحقيقة، الأمر الذي سيسفر عن الكثير من الأحداث المخيفة المرعبة لكل منهما

فما هي الحقيقة ومن هو إيهاب ومن هي نسمة ؟

مغامرة مدهشة للغاية من أجمل أجزاء السلسلة

عرفت من حجم الكتاب إن المغامرة الجديدة هتكون فرعية وملهاش علاقة بقصة لاشين الأساسية، وقد كان...

المغامرة المرة دي مع سهير وهي قصيرة وسريعة الأحداث، ودي اصلا أكتر حاجة بتميز السلسلة، انها مفيهاش حشو ولا مط للأحداث عشان تزود عدد الصفح.

فكرة اضافة مقدمة تذكيرية اراها ممتازة بما ان السلسلة لسه بتتنشر على فترات ومع تطور وتراكم الأحداث ممكن القارئ ينسى بعض التفاصيل المهمة.

محمد متولي

عدد جميل جدا و قصه جديده بتشويق لذيذ كالعاده و اتعاطفت فيه مع رانيا و سهير جدا

الاسم موفق جدا و اول ما نزل كنت متحمسه جدا اني اعرف ايه الحكايه

كان نفسي يبقي لاشين ليه دور اكتر (تيم لاشين بقي )😂😂

منتظره العدد الثالث عشر جدا جدا 🥰