المحاربون 💪🏻.. العدد الأول من سلسلة ( العصور ) للكاتب الدكتور Dr-Sayed Zahran 🌹🌹
بداية مبشرة 👏🏻👏🏻 استمتعت جدا جدا بالاحداث.. والعدد بتدور أحداثه ف اثينا في حقبة زمنية ما 😎 ( انا شخصيا بحب اي حاجة متعلقة بالتاريخ والحضارة خاصة اليونانية والرومانية ❤️ ) .. وفيه عرض رائع لمعلومات وشخصيات تاريخية ، وانا بفضّل جدا المعلومات اللي بتتعرض وسط الاحداث وفي الهوامش لان الكاتب بيفرد للقاريء المساحة اللي تخليه يستمتع بالرواية ويستفيد معلومة ممكن تكون جديدة عليه ، وبالتالي فهو بيقدم وجبة دسمة لينا ، مش مجرد عمل بدون هدف
الفترة اللي بتدور فيها الاحداث قرأت عنها قبل كدا اثناء دراستي بس مش كتير ، وبعد الرواية أكيد هدور على أحداث الفترة دي واقراها كويس.. وطبعا مستنية العدد اللي بعده علشان أعرف احمد وعارف وفادية راحوا فين 👀 وهيعملوا إيه وإيه شكل المغامرة الجديدة.
كنت حابة نشوف دكتور هاشم هيتصرف إزاي بعد انتقال الابطال التلاتة ف آلة الزمن وهيحاول يروح وراهم او لا او هيحاول يرجعهم او يساعدهم 👀
هيتصرف ازاي 😁 كان شاغل تفكيري جدا ❤️
وبعد النهاية المشوقة للعدد انشغل بالي اكتر 😀 هو إحنا هنستنى كتير للعدد الجاي ؟ 👀👀
( طبعا وبكل أسف انتظرنا العدد القادم كتير وكتير جدا 🤦🏻♀️ أتمنى من ربنا للعدد يشوف النور قريب 😍❤️ )
دي مش أول حاجة اقراها للكاتب الموهوب دكتور سيد.. قرأت من قبلها سلسلة الطارق واللي قدر الكاتب من خلالها يحجز مكانة لنفسه بين القراء ، ويثبت موهبته وجدارته واستحقاقه إنه يكون جزء من فريق المؤسسة ❤️
بالتوفيق لكل كتابنا والأقلام المحترمة الموهوبة اللي بتكمل مسيرة العظماء اللي سبقوهم ❤️❤️❤️
