دهب عم خضر

📌 البعض ينجح فى تحويل المحن إلى منح.. والبعض الآخر تقتله المحن.

تخيل تقابل حد ياخد بإيدك وقت ما تبقى تحت 👇🏻

ينورلك بصيرتك ويلهيك عن مصيبتك ، ويوريك أن الظلم مش واقع عليك ده فيه غيرك كتير فـ ماتسودش الدنيا فى عينيك ،واشغل نفسك بالتهوين على الغير هيتردلك الخير خيرين..

ده اللى حصل ما واحد صاحبنا ماتعرفهوش 😁

هعرفكم عليه … سليم واخد منصب كبير فى شركة ما وحقق نجاح كبير بس الدنيا مش دايما معاك وهتمشى على هواك والكبير ممكن يتشقلب به الحال مش شماتة اعوذ بالله

لكن ماتعرفش من أين لك الـ فخ ، ممكن فى يوم تتاخد كبش 🐏 لحد أو تتعرض لظلم

ولحد ما يظهر الحق هتفرق القرصة ورد فعلك عليها بجد

هتقعد تولول عليها وتكتئب وتبعد عن اللى حواليك

وتفقد الأمل ولا هتحاول فى كل اتجاه أنك متبقاش جبان وتستخبى وتعيط زى العيال

صاحبنا بقى لما حصله الوقعة التمام كان انسان

وبعدها بقى واحد تانى غير اللى عرفناه فى أول صفحات الرواية

الهزة فوقته وخليته يشوف مصايب الناس فتهون عليه بلوته وده لما قابل صديق والده " عم خضر المستكاوي " واللى خلاه يشوف الدنيا من منظور تانى

لهيته عن اللى هو فيه وعاش فى دنيا غير

وبعد ما كان مابيشوفوش غير نفسه

بقى كل مهمته يشوف مصالح الناس ويبقى "مستخدم" فى حياتهم كمان

❞ كلنا أسباب لبعضنا البعض نٌستخدم دون أن ندرى لتنفيذ الإرادة الإلهية فى أنفسنا وفى غيرنا. ❝

طيب ودنيته هيسبها خلاص ويعيش للناس

مقولناش كده … بس كلنا عارفين "وما جزاء الإحسان إلا إحسان " ربك كريم وعارف كل شىء

ولو أنت بجد مظلوم هيرجعلك حقك ولو بعد حين مش لازم التعويض يبقى بالمثل لكن اسمع منى بجد هيرجع ولو حتى فى صورة تانية وهتعرف تربطهم ببعض 💙

روايات دينا القمحاوي حاجة كده بالنسبة ليا طبطبة على القلب 💙 حكايات بسيطة بس تطلع منها بدروس وحكم عظيمة تهدى وتريح البال

تقرأها فى وقت لما تكون محتاج حد يقولك على رأى فيروز " فى أمل ايه فى أمل " 🤲🏻

📌فقال لى: الاستخدام هو من يطلبنا يا بنى.. كلنا مستخدمين دون أن نشعر..

⁠‫نتفاجئ بخيوط شفافة تمتد لتربطنا بأشخاص لا نعرفهم كى نساعدهم.. وخيوط أخرى تمتد لتصلنا بمن يساعدنا..

⁠‫لا نستطيع أن نرى الإرادة التى تمد الخيوط وتحركها.

⁠‫كل ما نقدر عليه هو أن نمشى تبعًا لها…

#مكتبة_دنيا

#قراءات_٢٠٢٣

رواية تحمل اقتباس مُلهم من قصة الخضر وموسى عليه السلام حيث تعلم موسى على يد رجل ليس بنبي او رسول لكنه يحمل علماً اختصه به الله وحده. تم الباس الرواية غطاء روحاني صوفي يتماشى مع مضمونها والرسالة المستهدفة منها.

على صعيد عناصر الرواية يمكن تلخيصها كالتالي:

- الحبكة:

( سليم ) المدير التنفيذي لشركة أجنبية في مصر ، يعيش حياته ولا يُلقي بالاً لما يحدث حوله طالما كان خارج اطار عمله واسرته. حياة كلها ترف حيث الڤيلا والشاليه والسيارات والمدارس الدولية والمستوى الاجتماعي المتميز. يتعرض فجأة لمأزق ما يقلب حياته رأساً على عقب.

هناك حكمة تقول: عندما يُفلس التاجر يبدأ في البحث في دفاتره القديمة لعل وعسى يجد حلاً يساعده على الخروج من ازمته. يجد ( سليم ) ضالته في صديق والده المهندس/ خضر المستكاوي لتبدأ رحلة ( سليم ) في التطهر واعادة النظر لمعنى الحياة بشكل ومنظور جديد من خلال مشاكل عائلية وأسرية تخص ( خضر ) نفسه.

- السرد:

جاء السرد بشكل بسيط وواضح من خلال تقسيم الرواية لعدة فصول ، كل فصل يتناول مشكلة لفرد من عائلة ( خضر ) على ( سليم ) ان يتعامل معها ويحاول حلها.

- الحوار:

حمل الحوار سمت المباشرة والوعظ والدروس المستفادة وعلى الرغم من عدم تفضيلي لهكذا أسلوب لكن علينا الا ننسى ان الرواية مبنية على قصة اساسها الوعظ والتوجيه كما ورد في القرآن الكريم. لهذا اجد ان الحوار يتناسب مع مضمون الرواية.

- الشخصيات:

قدمت الكاتبة شخصيات متباينة في الطبقات والمستوى الاجتماعي. شخصيات تجمع النقيضين - الخير والشر - كطبيعة بني آدم التى جُبلنا عليها. ربطت بينهم بخط درامي واضح يجمعهم وصولاً لشخصية ( خضر ) حيث نتعرف على حكايته وما غرضه من هذه الرحلة التي لعب فيها دور الواعظ.

- النهاية:

جاءت النهاية بشكل مباشر وتقليدي بطبيعة الحال حيث يخرج ( سليم ) من التجربة كمولود جديد من بطن امه بشكل يتناسب مع الدور الجديد المنوط والمكلف به.

خاتمة:

رواية جيدة الى حد كبير تحمل اسلوب مباشر في الحوار والمضمون لكن هذا ما فرضته طبيعة الرواية بكل تأكيد مع غلاف روحاني تعيش معه رحلة تفكر وتأمل.