تبقى الندوب، ويبقى الأثر، ولكن تستمر الحياة كقطار لا يعرف التوقف، لا يُعطِّله سقوط مسافر منه، ونحن المسافرون الذين لا نعلم في أي محطة سيلفظنا القطار دون إبطاء، ولا تمهيد..
تحميل الكتاب
الكابوس - طقوس مناسبة للقتل
نبذة عن الرواية
في عالم راجت فيه تجارة الشر، وغُضَّت الأبصار فيه عن العواقب، لم يتوقع نادر عبد الخالق، الروائي الأكثر مبيعًا، صاحب الخيال الأخْصَب والتجارة الأرْوَج، أنه سيضطر يومًا لأن يحيا أبشع كوابيسه المكتوبة وأخطرها، والذي خلقه من خيالٍ أمضى سنوات عديدة في شحذه، ظنًّا منه أنه لن يصوَّب نحوه أبدًا. بين سدّة كتابة تُهدّده بالنسيان، ونذير غريب، وقاتل مُحترف، وخطر يقترب، وجدار من المستحيل يتفتت، واتهام بديهيّ بالتلفيق، يُجبَر نادر عبد الخالق على خوض مغامرة عجيبة دفاعًا عن حياته ونزاهته. مغامرة تتحوّل تدريجيًا، مع كل اكتشاف جديد، إلى رحلة يخوضها وحده، مُسلّحًا فقط برغبة تنمو سريعًا في الخلاص من واقعه الزائف، لإنقاذه من أخطر عدو يُمكن أن يواجهه إنسان.. من نفسه.عن الطبعة
- نشر سنة 2023
- 304 صفحة
- [ردمك 13] 9789778241785
- الرواق للنشر والتوزيع
تحميل وقراءة الرواية على تطبيق أبجد
تحميل الكتاب
162 مشاركة
اقتباسات من رواية الكابوس - طقوس مناسبة للقتل
مشاركة من Donia Darwish
كل الاقتباساتمراجعات
كن أول من يراجع الكتاب
-
Waled Abd Elmonem
❞ شيء جيّد أن تترك خلفك أثرًا يحكي عنك، ولكن ليس كل أثر يُترَك يستحق الاحتفال. هناك مَن يترك خلفه علمًا يُنتفَع به، وهناك مَن يترك خلفه علمًا يُفسَد به في الأرض. فهل يستويان؟ ❝
الكتابة عموما والفن الروائى تحديدا شكل من
أشكال الحضور، الحلم الأبدى للأنسان بالخلود
حلم بالشهرة والنجومية حلم ان الكاتب يشوف
نفسه فى عيون قراؤه إنسان خارق " شبه إله “
لأنه قادر على خلق شخصيات وكونه المتحكم الأوحد
فى تحديد مصائرهم وتوجيه أقدارهم على الورق
تعمل إيه لو كنت كاتب واتقلب الحلم دا
لكابوس، ولو لاقيت ان إحدى
شخصياتك الروائية اتمردت عليك واتحررت من عوالمها الخيالية واقتحمت حياتك الواقعية،
بتطاردك وتريد قتلك ؟!
هل الخيال الشرير من الممكن أن يتحول
يوما ما إلى لعنة تطارد مبدعها ؟!
" نادر عبد القادر " الروائى الأشهر والأكثر مبيعا
يتعرض لمحاولة إغتيال فاشلة على يد قارىء
مهووس لكن يتضح فيما بعد أن القاتل
هو بطل إحدى رواياته
يسمى " العاقبة “؟!
قبل تلك الواقعة كان نادر يعانى من حبسة
فى الكتابة ولم يستطع كتابة عمل جديد
برغم دعم ناشرته " داليا " والمنتج الفنى
الذى ينتظر معالجة قصته الجديدة تمهيدا
لتحويلها إلى عمل سينيمائى
" حازم " ضابط مباحث وقارىء شغوف
يتولى التحقيق فى قضية الشروع
فى قتل نادر ولكن تنشأ
بينهما صداقة يغلب عليها الطابع الأنسانى
الذى يربط بين الكاتب والقارىء
ترى، أى مفاجآت صادمة وتويستات جنونية
ستسفر عنها الأحداث وهل سينجح حازم فى كشف غموض لغز الشروع فى قتل نادر ؟!
( الكابوس _ طقوس مناسبة للقتل ) رواية مجنونة
منتهى الأثارة والتشويق
تكشف الكواليس الخفية وراء الكتابة
وتتوغل عميقا داخل دهاليز صناعة الفن الروائى
وترفع الستار عن العوالم الخيالية الموازية
أحداثها ساخنة ومثيرة ومكتوبة برؤية
بصرية عالية وكأن القارىء يشاهد فيلما سينمائيا
غير أنها مزجت بين المتعة الفنية الجذابة
والفكر الفلسفى الراقى
اليكم واحد من أهم المقاطع الرائعة اللى عجبتنى
فى الرواية وأراه عبر بصدق مش بس عن فلسفة العمل
وانما عن فلسفة أخلاقية افتقدناها للأسف الشديد
على موائد مواقع التواصل
❞ - بس لو قررت تكتب يا حازم، افتكر إن كل حرف، كل حرف بتكتبه هتتحاسب عليه، وإن كل ما زاد عدد قُرّائك، أو مشاهدينك، أو حتى متابعينك على مواقع التواصل
كل ما زادت مسئوليتك. ومش في الكتابة بس، في كل أفعالنا. إحنا في عصر كل حاجة فيه بتقول إن الناس نسيت إنها هتتحاسب على كل اللي
بتعمله. حتى لو كُنت من برة باين إنك ناجح وسعيد وحياتك مُستقرة، هتفضل الشرور اللي بتسيبها وراك تسمم حياتك. لحد ما هييجي يوم وهتقوم قيامتك
من كتر الشر ❝
وهو ما عبر عنه من قبل الأديب " عبدالرحمن الشرقاوى "
فى مقولته الخالدة
” الكلمة نور..وبعض الكلمات قبور “
الرواية على فكرة ضمن الأصدارات اللى صدرت
حديثا من الدار المتميزة الرواق للنشر والتوزيع - Al Rewaq Publishing
بمعرض القاهرة الدولى للكتاب هذا العام
ويمكن من الأعمال اللى ندمت على عدم اقتناءها
ورقيا، ولكن البركة فى تطبيق " أبجد "
-
Donia Darwish
تخيل نفسك كاتب ✍️
نجمك كان دايما لامع ✨
موهبة من الخالق
استغلتها احسن استغلال
وبقى اسم رواياتك مسمع فى رف الأعلى مبيعات
ليكى ماركتير مخصوص ودار نشرك محوطاك من جميع الاتجاهات
ومين عارف بكره يتعمل من قصصك فيلم ولا اتنين
بس دوام الحال من المحال
والخيال مالوش عقد احتكار
ده بيجى كده بالمزاج هو وزميله الإبداع
لو راحوا راااااحت الكتابات فى خبر كان
طيب هتعمل ايه يا نجم النجوم لما نجمك يخفت
ومع الوقت كُتاب غيرك يطمسوك
لازم نطلع بفكرة خارج الصندوق
وتعرفهم أنك لسه موجود
الإبداع راجع وبقوة
وجايلكم با شوية مبتدئين وهواة
مش أى كاتب ✍️ يعمله كتاب
لكن تحصل حاجة تشقلب حال الكاتب اياه
لما تجيله رصا***صة غدر شبه رصاصة فى واحدة من رواياته زمان
مين له يد 🤚🏻 يعمل فيها بطل من ورق
اكيد قارىء مهووس بكتاباتى
معنى كده انى لسه مؤثر فى حياة قرائى
وبدل ما تبقى كاتب مشهور
تبقى كاتب مقتـ***ول
وماتقلقش على كتاباتك هتسمع وتبيع
📌 الروائى الأكثر مبيعًا يحيا كابوسًا خلقه خياله
مش كنت بتسأل على نجمك يعلى تانى ازاى
اهو جالك بخيالك لحد عندك … قابل بقى من نفس الورق 📝
صحيح أهل الشهرة صحيح مجانين ماتضمنش خيالهم يوصلهم لإيه
ولا اللى بيقرولهم كمان 😉 ياسلام لو تقمصوا دور أبطال الروايات وخلى بالك من كُتاب الجريمة والرعب بالذات
علشان لو تقمصت الدور هتطلع على الكراكون 😄
وتبلغ عنه هو كمان مش هو اللى لعب على الدماغ وادالك الجريمة على ورق أبيض أنت عارف طن الورق بقى بكام 😈😄
سألت قبل كده سؤال للكتاب … هتعملوا ايه لو حد من قرائك نفذ اللى أنت كتبه فى رواياتك … هتقول وأنا مالى يا لمبى ده خيال 💭
ما أنت كلامك طلع مؤثر يا مان ونفذوه القراء بالتمام والكمال بعنى شريك فى جرايمهم أنت كمان 😜
ديه وجهة نظر المهووس بالكاتب اياه ☝🏻☝🏻☝🏻
وده كلامه هو من الرواية كمان 🤷♀️
👇🏻👇🏻
📌 أنت عارف كام واحد وواحدة حياتهم اتدمرت بسبب رواياتك
عمرك سألت نفسك عن عاقبة كل الشر اللى بتتباهى إن رواياتك مليانة به؟
شغل بالك مصير البنات اللى هتحب نموذج الأشرار اللى دايما بتقدمهم فى أعمالك على إنهم أبطال
كل كاتب يخلى باله من كتاباته احسن يجى قارىء يسلمه تسليم أهالى 😉
رواية لطيفة فكرتها يمكن مش جديدة بس حبيت التساؤلات اللى فيها وخصوصا أنها بتمس الكُتاب 😉 طغى على جزء منها فانتازيا محبتهاش وديه اللى افقدتنى المتعة فى النهايات
حسيتها لو كانت مشيت فى الاتجاه اللى كانت متبنياه كانت هتبقى مقنعة اكتر من التهيؤات اللى سيطرت علينا فى اخر الصفحات 🤦🏼♀️
📌 أليس من الأفضل أن يمتع القارىء دون أن يضر❓
شىء جيد أن تترك أثرًا يحكى عنك ولكن ليس كل أثر يستحق الإحتفال
هناك من يترك علما ينتقع به وهناك من يترك خلفه علمًا يفسد به فى الأرض فهل يستويان ⁉️
#مكتبة_دنيا
#قراءات_٢٠٢٣
-
Yasmine Muhammad
رواية جميلة جدا
الفكرة و السرد و اللغة كلهم ممتعين
مختلفة و جديدة و بعيدة ان كل الاكلشيهات
انصح بها
