اليل وما ادرك مفي اليل
تحميل الكتاب
زائر منتصف الليل
نبذة عن الرواية
- ثلاثة أطفال يعيشون في قرية صغيرة يشاهدون جميعًا كيانًا غريبًا.. يطلقون عليه اسم "البعبع". - بعد سنوات طويلة يعيش أحدهم حياة طبيعية جدًا في مدينة بعيدة، ثم يفاجأ في أحد الأيام باختفاء أسرته. - أثناء البحث يضطر للعودة إلى البلدة القديمة، حيث يتجدد اللقاء مع ذلك الكيان الغامض مرة أخرى لكن تلك المرة يكون وحيدًا. في هذه الرواية المثيرة والغامضة، نعيش أجواءًا من التشويق والإثارة داخل قرية هادئة تتحول لمسرح أحداثٍ غامضة في صراع طويل يدور بين "أكرم" بطل الرواية وبين ذلك الكيان الغريب الذي أطلق عليه اسم "البعبع" في طفولته.. ترى ما الذي حدث للقرية؟ وكيف تؤثر مخاوف الطفولة على حاضرنا؟ وهل يكتشف أكرم سر اختفاء عائلته؟ تثير الرواية سؤالًا مهمًا وهو: هل ما نواجهه في طفولتنا يستمر معنا إلى آخر العمر؟!عن الطبعة
- نشر سنة 2022
- 224 صفحة
- [ردمك 13] 978977862755
- دار دون للنشر والتوزيع
تحميل وقراءة الرواية على تطبيق أبجد
تحميل الكتابمراجعات
كن أول من يراجع الكتاب
-
Donia Darwish
نوستالچيا الثمانينات مع أكرم وقدرى الأصحاب
رجعونا لذكريات الطفولة مع لعب قضينا معاها أيام وكانت أقصى أمانينا تجيلنا فى يوم من الأيام او حتى نلعب بها فى بيت حد من أصحابنا ويبقى يا سلاااااام
أو نتلم نسهر قدام فيلم 🎞 فيديو 📼 متأجر من نادى الفيديو اللى فى اول الشارع اللى هناك..
بس قبل ما تعمل هييييييح وتقول ارجع يا زمان حن يا ماضي..
يصحى أكرم على اختفاء… مراته ماجى ومازن ابنهم كمان وهو متخدر ومدروخ مش عارف 🤷🏻♂️ يعمل حاجة يا ولداه
اترعب من فكرة انه ممكن يكون اللى فى باله رجع للإنتقام … ما هو اللى بيحصل شىء خارق ومايعملوش حرامى مولات 😄
معقول اللى حصل فى الثمانينات لسه فاكرنا وحططنا فى الدماغ
ماكنتش ليلة 🌙 روحنا فيها متحف السيرك المتنقل اللى بيقام كل عام فى قريتنا المتواضعة وبيتهافت طبعا عليه أمثالنا من الأبرياء ..
مش بقولكم ثمانينات زمن البراءة فى الخروجات والطموحات 😁 وياريتنا كنا عاجبين اهالينا كمان 🫣
ما علينا بلاش نفتح فى الذكريات …
بس اعرف أن من يومها اتغير حال الأصحاب…
وحياتهم اتشقلبت تماما بعد اللى شافوه فى متحف الشمع اياه … صدمة طفولة هتشكلهم سنين قدام
هتغير من طباعهم وتصرفاتهم وقرارتهم المستقبلية كمان
« ليحذر من يحارب 🗡الوحوش 👹 من أن يتحول لوحش » 👹
آه ونسيت اقولكم أن الأصحاب انضم ليهم " صديقة " كمان "نسرين" صحيح هى اكبر منهم بأعوام بس ربطتهم صداقة قوية لحد ما … حصل اللى حصل فى قصر " سليمان " 😱
كفاية حرق 🔥 فى الأحداث بقى لان الرواية تستاهل تستمتع بتفاصيلها وتعيش مع أحداثها
حقيقى روايات خالد امين ليها طابع مميز فى فكرتها وبتدينى احساس أنى بتفرج على فيلم 🎞 3️⃣D
علشان كده قبل ما تبدأ اى رواية لخالد أمين هقولك على شوية استعدادات بسيطة لضمان الإستمتاع برواياته 😁
📌 الاضاءة لازم تكون خافتة لزوم السسبنس
📌 حضر فشارك 🍿 جنبك … مشروبك 🥤 … علشان ما تقومش فى نص الرواية
📌 مسموح فى البريك … تتدخل تعمل 🚽😄
بس ما تطولش كتير علشان ماتفصلش من جو التشويق 😉
جهزت الاجواء عيش يا مان
انت ممكن تعمل موسيقى 🎵 تصويرية كمان وانت بتقرأ فى الرواية … أنا مثلا كان جاى فى دماغى
أغنيتين لفريق اعتقد بتوع الثمانينات والتسعينات هيعرفوه
فريق « NaNa « وأغنية Dark man و He’s coming
واللى هيقرأ الرواية هيفهم ليه 😉
نقطة اخيرة 🙋🏼♀️
طولت انا عارفة بس غصب عنى الرواية مليانة احداث ولولا انى خايفة احرقها برغي ده كنت فضفضت ورحرحت واخدت راحتى وبعبعت بكل حاجة حصلت فى الصفحات …
النهاية كانت مفاجأة 😱 وابعد ما يكون عن الخيال
🔖الروايات اذواق وديه عجبتنى لانى بميل للنوع ده من الروايات اللى تسحلنى معاها فى الاحداث وترفع من مستوى ادرينالينك وتخليك عمال تاكل الصفحات … فعذرا بقى لو معجبتش بعض الأشخاص وشافنى ببالغ فى الوصف والتقييمات 🙋🏼♀️
#مكتبة_دنيا
#قراءات_٢٠٢٢
#قراءات_يوليو_٢٠٢٢
-
أحمد مجدي إبراهيم
مش اول مره اقرأ للكاتب خالد أمين ومش هتكون الأخيرة.
قرأت جرائم الغراب السبعة وإنهم يأتون ليلا ودلوقتي معانا رواية زائر منتصف الليل.
الانطباع الأخير بعد القراءة يتلخص في مطلع أغنية "غريبة الناس غريبة الدنيا ديا... اعز الناس بيتغير عليا"
الرواية حلوة يا جماعة وتنتمي لعالم الكاتب الروائي، عندنا قصة متكاملة ممتعة وترقب وأجواء قاتمة وظهور شرفي للكاتبة ناردين الصباغ.
طب خلونا نتكلم عن الانطباع الاول
الغلاف حلو أوي وكنت متحمس جدا لقراءة جديده للكاتب المحترم وخصوصا مع الكلمات على الغلاف وفكرة البعبع.
وبمجرد ما مسكت الرواية مقدرتش اسيبها وبسببها متعشتش يوم الخميس ٢٩-٨-٢٠٢٤.
ودلوقتي معانا البداية والمقدمة والأفتتاحية.
تبدأ الرواية مع صفحة أو جزء من مذكرات قدري صديق البطل أكرم وكنت بصراحة مستغلس البداية دي وحسيت أنه ممكن الاستغناء عن المقدمة دي وممكن ندخل على طول على اول مشهد مع أكرم اللي بيصحى من النوم يكتشف أنه كان متخدر وان مراته وابنه اتخطفوا.
ايوه بقى هي دي البداية المنعشة المثيرة، وعلى طول نبدأ رحلة البحث عن الأسرة المخطوفة ونرجع مع ذكريات أكرم لفترة التسعينات وذكريات الطفولة ونعيش حالة من نوستالجيا أجهزة الاتاري والفيديو كاسيت وسلسلة صرخة الرعب وكل أفكار مرحلة الطفولة اللذيذة المنعشة.
ويلا بينا نتكلم عن الفكرة.
فكرة العمل هي نفس فكرة رواية إنهم يأتون ليلا، الرعب والشيطان اللي عايش جوانا والشر الخارجي الموجود ومستني لحظة أنه يتمكن من نفس بشرية.
هل الإنسان شرير بطبعه ولا هو ضحية للشر اللي جاي من بره؟
امتى ممكن الإنسان يتحول للشر؟ وليه؟ وايه هو الشيء القادر على ده؟؟
من الواضح طبعا تأثر الكاتب بفكرة المسارح والأدب العالمي والعربي ومن الواضح طبعا أن الرواية محملة بكم محترم من الرعب النفسي مع شوية تشويق وإثارة وغموض وكمان كوميديا اجتماعية بسيطة رسمت ضحكات على وشي في مشاهد وحوارات معينة.
ولو جبنا سيرة الحوار يبقى نتكلم عن اللغة
وكما العادة اللغة في العمل عربية فصحى بسيطة في السرد والوصف والحوار دون تدني في الشرح.
يمكن مفيش استعراض لغوي ولا اقتباسات عظيمة ممكن نستخرجها من الرواية لكن كان في متعة في الحكي وجاذبية في الحوار.
تركيز الكاتب كان هنا على المغامرة والمتعة منها ولا عيب في ذلك.
طبعا حببيت السباب باللغة العربية الفصحى غير المبتذلة وحبيت لغة الحوار ما بين الشخصيات في الرواية.
ويلا بينا على طول نتكلم عن الشخصيات.
معندناش شخصيات كتير خالص بالعكس تماما عندنا ٤ شخصيات رئيسية اكرم وقدري وأدهم ونسرين.
كل شخصية اترسمت بشويش وعلى نار هادية وكنت مستمتع جدا جدا وفي لحظة ما توقعت النهاية وده يمكن اللي زعلني.
ويلا نتكلم عن النهاية.
مش هقول النهاية كانت متوقعة لكنها كانت مش متماسكة ناقصه حاجة فيها جابات أو فراغات.
اينعم انت انبسطت جدا فيها وحسيت بالصدمة والتويستاية لكن كان ممكن تكون افضل واحسن من وجهة نظري.
وده طبعا ميقللش من أن العمل حلو جدا جدا وممكن ترشيحه لفئة الشباب من عشاق الرعب والمغامرة.
وأخيرا انا حبيت الرواية والكاتب ومستمر في استكشاف العالم بتاعه بشغف.
#أحمدمجدي
-
Abd Al Rahman Mohamed
من أجمل الروايات الي قريتها في ٢٠٢٢ بلا منازع!
ما هذا الجمال يا رجل😂♥️.. رواية رعب من النوع (الرعب المعوي) الي بيكيفني بصراحة🖤
بتحكي عن اكرم الي صحي من النوم لقي ان مراته و ابنه مش ف البيت !! و بيشد معاه صاحبه العزيز قدري عشان يبدءوا رحلة البحث عنهم . بس هل رحلتهم هتكون سهلة ؟!
الرواية فعلا جميلة جدا ك عادة الكاتب في تقديم حبكات رعب جميلة و برا الصندوق بنهايات صادمة ( في الاخر هتكلم عن موضوع النهاية دا عشان زعلان شوية و من غير حرق طبعا😁)
الاحداث الي كانت بتتحكي في حقبة التمنينات بالرغم اني معشتش ف الفترة دي الا اني كنت حاسس بيها جدااا و كنت حاسس بنوستاليجا 😍
و العلاقة بين قدري و اكرم ف منتهي الجمال و هما كبار و وهما اطفال♥️
رسم شخصية الـشرير كانت فوق الممتازة و خلفيته و دوافعه كلها مبنية كويس
طريقة السرد.. عبقرية.. الكاتب فعلا بيعرف يخوفك من طريقة سرده للاحداث.. الوصف جيد جداا انا شفت الاماكن يا جماعة شفت (المدرسة..القصر المهجور.. متحف الشمع.. السيرك) و كمان كنت سامع صوتهم🔥🔥♥️♥️
الرواية واخدة طابع رعب غربي جدا و طول ما انا بقرء بتفكرني بافلام رعب كتير اووي زي مثلا ( house of wax.. halloween.. jeepers keepers ..it و غيرهم كتير...👌)
و دا مش معناه ان الكاتب سارق لا طبعا هو مسخدم المدرسة دي ف الرعب لكن فكرة العمل مستقلة بذاتها بعيدا عن الافلام تماما
و اه.. الرواية جرعة الرعب المعوي فيها عالية خلي بالكوا الناس الي بتتقرف😁
النهاية بقي😥 انا زعلت بسبب النهاية مش عشان وحشة لا ابدا... انا زعلت عشان توقعتها بدري اوي و الكاتب مش موعدني علي دا... دايما النهاية بتاعت اعماله بتكون غير متوقعة... النهاية اه صادمة بس انا توقعها بدري اوووي و دا سبب الي نقص نجمة😑
الخلاصة خالد امين يا جماعة رهيب عنده خيال جامد و افكار روايات (رعب بالذات) فعلا ممتعة.. استمتعت جدا بالعمل و منتظر كل جديد.
