مراجعات رواية ليلة ظهور القرين

قمت. بتنزيل الرواية لكن لم تظهر

🔪اسم العمل : ليلة ظهور القرين

🔪اسم الكاتب : خالد أمين

تعالوا نكمل ملحمة عالم جوثام الشرق من تأليف الكاتب الرائع خالد أمين بعد قراءة "جرائم الغراب السبعة" و"إنهم يأتون ليلا" و"زائر منتصف الليل" و"ذات مرة في الطريق المظلم" والنهاردة معانا "ليلة ظهور القرين" ونرجع تاني إلى ناردين وصلاح اللي تعرفنا عليهم في رواية "إنهم يأتون ليلا".

من الثوابت هنا إننا عارفين إن كل رواية مستقلة بنفسها لكنها في عالم قاتم ومقبض له طابع رعب نفسي دموي ومعوي كمان.

وطبيعي إن كل عمل أو رواية سايبة خط درامي أو اتنين مفتوح على باقي الأعمال.

ومن غير ما نضيع وقت طويل يلا بينا نبدأ المراجعة.

وزي العادة نبدأ مع الانطباع الأخيرة

بعد ما خلصت القراءة لقيت نفسي وعمو إيهاب توفيق يغني جنب وداني ويقول:

"الأيام الحلوة الأيام الحلوة بتعدي في ثواني … الأيام الحلوة ما بترجعش تاني

طعم الحب اتغير … وقت الفرح صغير … أكبر لحظة ود وحب وصدق زمانها قصير

الحلو بيتمرر … والجرح بيتكرر .. نجرح نألم نقسى ونظلم وغلطنا بيتبرر

اللي نحبه بنودعه واللي في إيدنا بنضيعه … واللي ناسينا عايش فينا واللي شارينا بنخدعه"

وبصراحة الأغنية دي ماشية

ويلا بينا ندخل على الانطباع الأول والبداية والافتتاحية..

غلاف قاتم أسود وأحمر وظلال شباك وعنوان قاتم مثل باقي عناوين الروايات السابقة وكلمة الظهر من وجهة نظري مش أحسن حاجة تعبر عن الرواية لكنها كانت كفاية يعني للتعبير عن التصنيف وجانب الرعب والغموض النفسي.

نقدر نقول إن الانطباع الأول كان متعلق أكتر بالكاتب نفسه والتوقع أو الحكاية لالي انا مستنيها ومش متعلق بالغلاف ولا كلمة الغلاف ولو كان الغلاف أوحش من كده ولو كانت كلمة الغلاف مافيهاش حاجة غير التعريف بالكاتب أنا برده كنت دخلت وقرأت.

ومش هخبى عليكم أنا كنت متحمس جدا للقراءة وقلت أكيد الرواية دي هتخلص في جلسة واحدة يعني وفعلا ده اللي حصل.

على طول ندخل على أول صفحات الرواية مع عروسة شابة في بيت الزوجية بتتكلم فيديو كول مع أخوها الصغير وبسبب سقوط التليفون على الأرض بنكتشف وجود جثة تحت السرير.

مع أول صفحة هتركب الحلزونة وتسيب ايديك.

الرواية تسحل يا جماعة وفيها جوانب كتير غامضة ومربكة وعندنا جثث كتير وضحايا أكتر وتقطيع ورعب معوي ودموي وغموض وبحث عن إجابات.

المثير أو اللافت هنا إننا بنتعلق بكل شخصية وبعدين نضحي بيها أو نقتلها والكاتب مستمر في قاعدة التخلص من الأبطال.

طبعا عندنا تويستات كتير والكشف عن الجريمة أو القاتل أو الشرير في الرواية كان فعلا مفاجأة حقيقية.

الرواية تنتمي لعالم صلاح وناردين الصباغ كاتبة الرعب الفضولية وعالم الغموض والتحقيقات الغرائبية.

وتعالوا هنا نتكلم عن الحبكة والنهاية.

يمكن قلنا قبل كده إن الرواية مليانة أحداث والحبكة شريرة جدا في نفس عالم الروطاش أو الشيئ وهنا احنا بنتكلم عن تيمة السيطرة والتحكم والتلصص.

عندنا تويست حلو في نهاية الرواية وخط مفتوح على مركب الشر المطلق وعندنا ظهور لبعض الشخصيات الحلوة جدا واللي كنت متوقع لها مستقبل حلو في عالم الكاتب الروائي لكن يلا الله يرحمهم بقى.

وهنا مكن نتكلم عن الشخصيات في الرواية

عندنا أبطال أو شخصيات رئيسية زي ناردين الصباغ وصلاح لكن التركيز كان على الشخصيات الجانبية المحركة الأساسية في حبكة وأحداث الرواية.

يمكن الشخصيات الرئيسية محصلش فيها تطور كبير لكنها تعتبر مغامرة عملت على زيادة لرابط ما بين ناردين وصلاح.

عندنا جزء مؤثر مرتبط بالشخصيات والدوافع النفسية وعندنا شق بسيط جدا شاعري ومش رومانسي.

طبعا للمرة اللي مش عارف كام لازم نتكلم عن خيال الكاتب والثقافة بتاعته وقدرته على وضع الرعب والتوتر في ذهن القارئ من خلال اللفظ والكلمة والجملة.

وتعالوا هنا نتكلم عن اللغة في الرواية.

طبعا العمل بالكامل بالعربية الفصحى وعندنا وصف بطبيعة الحال عبقري وحوار قوي جدا ومكثف في ولازم ناخد بالنا هنا إن مستوى الكاتب اللغوي فيه تقدم كبير عن الرواية السابقة.

طبعا ممكن تستخرج شوية اقتباسات كده عنب أحمر من غير بزر زي مثلا.

"ابتسم وتألق يا صديقي، ولا تنظر للسواد أسفل عينيك وهذا الشعور السقيم بالخمول، الحياة لا تزال رائعة، الحروب لا تزال تدمر البلدان، والشركات لا تزال تنهب الجميع، والحب يتحول لعذاب إغريقي في نهاية المطاف، ولكن الحياة لا تزال رائعة."

وهنا لازم نستعرض الفكرة والغرض والهدف

أجواء الرواية هي الرعب والتركيز على فكرة كشف الغموض مش عارف ليه حسيت وكأني بتفرج على فيلم رعب هو خليط ما بين أفلام البيوت المسكونة وأفلام الوحوش والغيلان.

عندنا أفكار كتير في الرواية مستترة شوية ومش واضحة لكن من الواضح إن الكاتب كان مركز على المغامرة والرعب دون التركيز على الفكرة.

وأخيرا خلونا نتكلم عن الخلاصة

النهاية كانت سريعة أوي وخلصت في كام صفحة وكانت مرضية ويمكن مستعجلة شوية.

والخلاصة إن الرواية حلوة أوي وقابضة جدا وحسيت معاها وكأني قصيت سهرة مع فيلم رعب حلو.

الريفيو القادم هو الأخير في عالم "جوثام الشرق" قبل معرض 2025 ويكون مع رواية "قريبا سيحل الظلام" إن شاء الله.

#أحمدمجدي

✨ بداية الرواية التي تجعلك تُسَمَّرُ في مكانك .. تأكُل الورق، لتلتهم الأحداث! 📖🔥

تبدأ الحكاية في مشهد مألوف ولكن مُبهم، حيث كانت رنا تجلس بمفردها في بيتها الهادئ، مستلقية على سريرها وتتحدث مع شقيقها عبر مكالمة فيديو. فجأة، يسقط الهاتف من يدها، وعندما تلتقطه، تجد رسالة تظهر على الشاشة! 📱🔦 «يوجد شخصٌ ما تحت فراشك!»

صوت الكلمات يدوي في رأسك كما دوّى في رأسها، ليصبح بداية تسرع القلب وتسارع الأنفاس. إنها واحدة من أروع افتتاحيات روايات الرعب التي قرأتها .. تجبرك على مواصلة القراءة بلا توقف. 💀💔 #رعب #رواية

✨ خالد أمين.. سيد التشويق والإثارة! ✍️

كالعادة، هذا ليس جديداً على خالد أمين! فهو بارع في خلق أحداث تقتحم النفس وتحبس الأنفاس. 🌬️📚 أسلوبه متميز، سهل ممتنع يجذبك من اللحظة الأولى. اللغة هنا عربية سلسة، لا هي فخمة لدرجة الثقَل، ولا بسيطة لدرجة الاستهانة، بل تلائم تمامًا أجواء الرعب التي تتخلل الرواية وتجعل القارئ يترقب كل سطر بحذر. #ادب_الرعب #أجواء_مرعبة

أروع ما في هذه الرواية مشاهد "فيلا نجية"؛ تلك الفيلا التي تشعرك بتوتر حقيقي في كل صفحة. الشخصيات تجسدت ببراعة، وأعجبني خصوصًا شخصية ناردين التي ظهرت في أعمال أخرى للكاتب، ولكن شخصيات أخرى كانت تحتاج إلى رسم أدق. 👤🏰

✨ عالم خالد أمين المترابط 🔗

أجمل ما يميز كتابات خالد أنه يخلق عوالم متصلة ببعضها البعض، فتجد شخصيات من رواية تظهر في أخرى، مثل الرجل الذي عض التراب وظهوره هنا بطريقة مفاجئة، ما يضيف عمقًا وارتباطًا يجعل قراءته تجربة مدهشة، ويعيدك إلى أحداث سابقة، لتتذكر كم كان تأثيرها عميقاً! #عالم_خالد_أمين #ارتباط_الشخصيات

✨ نهاية الرواية.. كعادة خالد، غير متوقعة! 🎭

بالطبع، لا يفوت خالد فرصة ترك النهاية بلا حبكة أو مفاجأة. ورغم أنني شعرت بشيء من البداية، إلا أنه استطاع أن يجعل النهاية جيدة ومبلوعة، وتحتمل فتح باب جديد لقصة أخرى، ما يتركك متشوقًا لما سيأتي. 🌌💥

🔹 الخلاصة: عمل رائع من البداية وحتى النهاية، يحمل معه التشويق المتصاعد.. باختلاف درجات الرعب!

إنها رواية تجعلنا ننتظر بفارغ الصبر العمل القادم لخالد في المعرض القادم. متشوق جداً! #ادب_عربي #رواية

بداية الاحداث كانت مع رنا الي في بيتها لوحدها بتكلم اخوها video call علي السرير و الموبيل يقع منها و لما جبته.. تلاقي اخوها كاتب لها كلام عشان مش عايز يطلع صوت!!

و الكلام عبارة عن ( يوجد شخصا ما تحت فراشك)!!

طبعا بداية للرواية تخليك متمسر في مكانك و تاكل الورق عشان تخلصها.. حقيقي من امتع الافتتاحيات الي قرأتها في رواية رعب.

بطبيعة حال الكاتب دي حاجة مش جديدة عليه انه فعلا بينجح في خلق احداث مشوقة و مثيرة و مرعبة تجبرك تخلص العمل حتي لو مش عاجبك عامتا.. انه خالد أمين يا سادة ♥️💪

السرد كان بلغة عربية لا هي قوية ولا هي ركيكة بل بالعكس تماما هي كدا راكبة و لايقة علي احداث العمل و نوعه.. وصف كويس للاجواء المرعبة الي تخليك فعلا متوتر بالذات مشاهد فيلا نجية🔥

شخصيات العمل احلي ما فيهم ناردين لانها بالفعل شخصية قديمة من اعمال اخري له لكن بصراحة معظم الشخصيات كانت محتاجة رسم وشغل اكتر من كدا!

عجبني جداااا ان الكاتب مبين في العمل انه قارئ و مطلع علي جميع انواع ادب الرعب و كتابهم و كذلك الجريمة و دا اي حد قارء العمل هيفهم انا بتكلم علي ايه

برده بحب جدا حركة ان خالد تقريبا في كل اعماله بتدور في عالم مربوط ببعضه و بتلاقي شخصيات من عمل اخر ظهرت ف عمل تاني زي مثلا (الرجل الذي عض التراب) من العظيمة ذات مرة في الطريق المظلم الي هي بالمناسبة اكتر اعمال الكاتب تفضيلا ليا و احلي من القرين كمان♥️♥️♥️

نهاية العمل برده بطبيعة حال الكاتب بيحاول يعمل بلوتات و نهايات غسر متوقعة و برده بينجح في دا.. بعض النظر عن اني شكيت من الاول في حاجة و طلعت صح بس دا ميمنعش انه فعلا متميز في الحوار دا💪🔥♥️

و النهاية نفسها جيدة و مبلوعة من الاخر و مش هتحس ان فيها مشاكل ( رغم انه عمل قديم للكاتب بس اخر جزء خاالص في النهاية كان بيفتح زي لجزء تاني للعمل مثلا !!)

الخلاصة عمل جيد.. من بدايته هتتشد و تخلصه كله لان عامل التشويق مازال مستمر في العمل كله باختلاف الدرجات

مشاعد الرعب كانت موفقة زي ما قلت مشاهد الفيلا سبب لي ربكة 🫢

و هانت كلها شهر و ينزل للكاتب عمل جديد في المعرض.. متحمس والله♥️♥️

رنا تتحدث مع أخاها في مكالمة فيديو ليتجمد أخاها للحظة ويراسلها نصيًا "لا تتحركي هناك شخص تحت فراشك"!!

البداية قوية وغريبة تثير الفضول ولكن تليها أحداث تشعر بعدم منطقيتها قليلًا.. وكم غير مبرر من الأشلاء 👀 بالنسبة لي على الأقل فقدت الرواية رونقها في المنتصف..

أعجبني ذكر شخصيات في روايات تحقيقيات شهيرة شيرلوك وبوارو ورفعت إسماعيل ومدام ماربل..

أعجبني إن الحطء الأخير انتقل من الخرافة لمدى البشاعة التي يمكن أن يصل لها الواقع وجنون الإنسان!

رغم إن القاتل كان متوقع ولكن النهاية كانت أفضل جزء في الرواية برأيي رغم عدم قوتها..

في المجمل مشوقة وتثير الفضول بها ماروائيات وجريمة وجنون.. ميكس حلو..

ليلة ظهور القرين

للكاتب خالد أمين وقد قرأت له "بعل الذباب" من قبل!

للكاتب أسلوب لطيف لجذب انتباه القاريء ولغة انسيابية ولطيفة - والقصة عن زوجة تزوجت حديثاً ولكنها عانت في شقتها الجديدة من أصوات في الشقة العلوية الشاغرة، ومن تصرفات زوجها وأحلامها المخيفة حتى جاء اليوم الذي انقلبت كل الأحداث عليها!

قصة إثارة وعنف و "رعب" والأحداث فيها متسارعة ولكنني للأسف لا أحب هذا النوع من الأعمال وأظنه موجهاً أكثر لليافعة!

الكثير من الثغرات ولكن القصة قصة إثارة ورعب فهي مقبولة في المجمل!

#فريديات

بداية الرواية كانت قوية جدا تجعلك تواصل القراءة لمعرفة ما سيحدث تاليا، لكن الأحداث بعدها تتحول لقصة رعب تتمركز حول الدموية وسرعة الأحداث مع تفسير مركب في النهاية، وهي تيمة أفلام الرعب التجارية التي تركز على اخافة المشاهد أكثر من حبكة القصة.

شخصية البطلة تم تقديمها بشكل جيد في البداية، ولكن تصرفاتها وأحكامها خلال الأحداث لم تكن بالشكل اللائق الي يصدر من خبيرة مثلها

محمد متولي

سمعت القصة في قناة فاطمة على اليوتيوب وشدني الجزء الاول فقررت التوقف عن الاستماع وقراءة الكتاب ولم اندم!! قصة تشدك في كل سطر

دموية جدا لكن حلوة 😂

ممتعة جدا