اقتباسات من كتاب لأ بطعم الفلامنكو

طول مشوار حياتنا، بناخد قرارات مصيرية.. بعضها غلط.. وبعضها صحيح.. ‏بعضها مفيد.. وبعضها مؤذي.. بس دي مش نهاية المطاف.. ولا آخر الدنيا.. دايمًا فيه فرصة ‏للمراجعة.. ودايمًا فيه طريقة لإعادة النظر.. حتى لو كان ليها تمن.‏

‫ أول بقى ما تفهم ده. وتعرفه. وتتأكد منه. وأول ما يحس هذا السائق المتهور، والقائد الأرعن، إنك ‏سمعته، وصدقته، وتعاطفت معاه، وبطّلت تحكم عليه. هتحصل المفاجأة. اللي بتؤكد بكل دقة إن كل ‏ما هو داخلك. هو جزء لا يتجزأ من عائلتك النفسية.

❞ إحنا بنقبل نفسنا علشان نزكّيها ونطهّرها ‏ونعالجها ونغيّرها.⁠‫ ❝

❞ لما تكون في علاقة ما.. وعاوز تنهيها لأي سبب.. يبقى تنهيها على كل المستويات.. الظاهرة ‏والخفية.. مهما كان ده صعب.‏ ❝

❞ الأمل غير المبني على قواعد ثابتة، يؤدي إلى العجز.⁠‫ ❝

❞ الأمل المبالغ فيه يؤدي إلى الإحباط.‏ ❝

الخطوة دي هي خطوة العزم والهمة؛ لأن الخطوة اللي بعدها هي خطوة القرار والتنفيذ.. وأي قرار ‏محتاج عزم.. وأي تنفيذ محتاج همة.‏

أنا من حقي أحس وأصدق وأعيش وأمارس إني أستاهل، وما أسمحش لحد يعاملني على إني ‏ما أستاهلش، حتى لو خسرت بعض الناس، بس هاكسب نفسي.‏

‫***

‫ والله لولا نعمة الثبات الداخلي للآخرين جوانا.. ماكناش استحملنا موت حد.. ولا كملنا بعد فراق حد. ‏

‫ إحساسنا بوجود آخَر داخلنا، واطمئناننا به.. دون أن نراه.. ‏

‫ بيساعدنا نصدق في وجود ربنا.. ونطمئن به.. دون أن نراه.‏.

‫ وطوبى لمن آمن.. ولم يرَ

‫ والله لولا نعمة الثبات الداخلي للآخرين جوانا.. ماكناش استحملنا موت حد.. ولا كملنا بعد فراق حد. ‏

‫ إحساسنا بوجود آخَر داخلنا، واطمئناننا به.. دون أن نراه.. ‏

‫ بيساعدنا نصدق في وجود ربنا.. ونطمئن به.. دون أن نراه.‏.

‫ وطوبى لمن آمن.. ولم يرَ

‫ الأمل لا يعني الانفصال عن الواقع.. ولا يعني رفع قدميك بعيدًا عن الأرض، والتحليق في السماء بلا ‏أجنحة.. لأنه ساعتها مايبقاش أمل.. يبقى وَهْم.. ي

‫ الجواز قرار محتاج وعي.. ومحتاج مسئولية.. مش شروة وبيعة.. ونكتشف بعض بعد ما يتقفل علينا ‏الباب.‏

‫ اتجوزوا وقـت ما تحسوا إن ده الوقت المناسب.. بصرف النظر عن السن والعمر والرقم.‏

‫ اتجوزوا وقـت ما تـلاقـوا الشخص الـمنـاسب.. الـمنـاااااسب.. المنااااااااسب.‏

‫ ‏‏ـ أنا محتاجة قوي وعاوزة ومن حقي وقررت وأنا لوحدي مسئولة، عن إني أوقف كل ‏مجهوداتي ووقتي ومحاولاتي المستميتة، علشان أثبت لنفسي سيناريو مش بتاعي.‏

❞ يمكن نكتشف إن المثالية الحقيقية بتبدأ من قبول الأجزاء اللي مش قابلينها في نفسنا، وجمع الأجزاء ‏دي في كل واحد متكامل.‏ ❝

❞ الجزء المكتئب ظهــر علشان يقلل سقف توقعاتك من الدنيا ومن الناس.. فماتستناش حاجة من حد..⁠‫وماتتوجعش تاني.‏ ❝

‫ «لأ».. احتياج عام عند كل البشر.‏

‫ المبدعين قالوا: «لأ» لكل ما هو تقليدي ومألوف. ‏

‫ المكتشفين والمخترعين قالوا: «لأ» للأنماط المعتادة المتكررة.‏

‫ الأنبياء قالوا: «لأ» لظلم الإنسان لنفسه ولغيره.‏

‫ وأنت.. ‏

‫ آخر مرة قلت «لأ» إمتى؟ وقلتها لمين؟ وقلتها إزاي؟ ‏

‫ كانت «لأ» اللي بتبني، ولّا «لأ» اللي بتهدم؟

ماتخلفوش علشان تجيبوا أطفال تلعبوا بيهم.. أو بهدف إنهم يونّسوكم.. أو يسندوكم لما تكبروا.. دي ‏نتايج ‏ـ‏ مش أسباب ـ للخلفة.. ماتحملوهمش فوق طاقتهم من قبل حتى ما يتولدوا.

❞ وجود آخَر طيب داخلك.. يغير لون العالم في ‏عينيك.‏ ❝

• ⁠أنا محتاج أقبل نفسي كلها على بعضها، بدون شروط ولا أحكام، علشان……………… ‏

‫ ‏ أنا محتاج أقبل نفسي كلها على بعضها، بدون شروط ولا أحكام، علشان أعرف أعيش ‏حياتي.‏

‫ ‏ أنا محتاج أقبل نفسي كلها على بعضها، بدون شروط ولا أحكام، علشان أنا بشر.‏

‫ ‏ أنا محتاج أقبل نفسي كلها على بعضها، بدون شروط ولا أحكام، علشان أي خناقة مع ‏نفسي هاطلع منها خسران.‏

‫ ‏ أنا محتاج أقبل نفسي كلها على بعضها، بدون شروط ولا أحكام، علشان أبطّل قسوة على ‏نفسي.‏

أنا أعمل اللي عليا وأنت تعمل اللي عليك.‏

‫ أنا مش موجود في الدنيا..‏

‫ علشان أكون عند توقعاتك.‏

‫ وأنت مش موجود في الدنيا..‏

‫ علشان تكون عند توقعاتي.‏

‫ أنت هو أنت..‏

‫ وأنا هو أنا.‏

‫ لو تصادف واتفقنا..‏

‫ جميل جدًّا.‏

‫ ولو ماحصلش..‏

‫ مش هاشوِّه نفسي علشانك..‏

‫ مش هاشوِّه نفسي علشانك.‏