ارجو توفر قرائته بسرعه
أبلغوني عند توفره
شكلها سافرت
نبذة عن الرواية
الكتاب ده للّي حب وما طالش، واللي حب وما اتحبّش، واللي ما عرفش يحب. الكتاب ده للناس اللي بتعرف تفرح، والناس اللي بتدّي الزعل حقه. للحزين اللي بيخبّي مشاعره ورا ابتسامة، والفرحان اللي خايف من الحسد. الكتاب ده لكل حد فضل يدوّر على حاجة لفترة طويلة واكتشف إنها مش موجودة بس ما بطّلش تدوير. للّي في علاقة ناجحة، واللي في علاقة نفسه تنجح، واللي ما عرفش يدخل علاقة بس نفسه يجرّب، واللي مش مؤمن بالعلاقات خالص بس بيفرح لما يشوف اتنين مبسوطين مع بعض. الكتاب ده للّي ناسيين نفسهم، واللي فاكرين حلمهم، واللي شبطانين في الحياة، واللي بايعين القضية، بس مش أوي.التصنيف
عن الطبعة
- نشر سنة 2016
- 183 صفحة
- دار دون للنشر والتوزيع
تحميل وقراءة الرواية على تطبيق أبجد
أبلغوني عند توفرهمراجعات
كن أول من يراجع الكتاب
-
Asmaa Essam
أخيراً انتهيت منه ...
حاسة بلخبطة زي لخبطة الكتاب ده بالظبط
ولا حاجة قريتها فيه ليها علاقة بالتانية
رررغي كتيررر جابلي صداع ع الفاضي
ولذلك قررت مجهدش نفسي في كتابة ريفيو منمق عن الكتاب -ألا هو ده كتاب ولا رواية ولا عمل ساخر ولا ايه نوعه بالظبط؟- وهحط الأفكار اللي في دماغي زي ما هي كده
طلسأة بطلسأة بقى .......
يا أستاذة سهى .....
- مش كل بنت عايزة تتجوز تبقى بائسة وبتعمل كده لرضى المجتمع عشان تهرب من كلمة عانس ... دي فطرة ربنا اللي وجدها في خلقه
- مش كل بنت بتدور على الحب معندهاش ثقة في نفسها
- أرفض بشدة انك تتكلمي على لسان كل البنات وتقولي هما بيحبوا ايه وبيكرهوا ايه
- لو واحدة صاحبتك اختارتك عشان تحكيلك حاجة -مهما بدت ليكي تافهة- في حياتها وانتقدتيها او عنفتيها دي مش حاجة ظريفة ولا انتي كده حكيمة وأحسن منها خالص على فكرة
- بطلة القصة هي أكتر واحدة بتؤمن بنظرية "فتى الأحلام" رغم محاولاتها الكثيرة في رفض الفكرة
- آمن بالشيء ولكن لا تفرضه على غيرك
- رغي رغي ونصح عمال على بطال
- إيه علاقة اسم الكتاب باللي قريته في الكتاب؟! مش فاهمة
- تناقضات كتير وأفكار ملخبطة
- طول الوقت البطلة بتحسسنا انها مرغوبة .. فلان بيحبها وهي بتصده .. علان عايز يكلمها وقفشت عليه
ده حرمان عاطفي مش شبحنة خالص على فكرة
- مش أي حد مؤهل للنصيحة والله .. ولا ينفع نوزعها على خلق الله كده
- طبعاً "البطلة" بتحاول تثبتلنا انها quirky
وغير كل البنات وكده
- انا زززهجت وماصدقت الكتاب خلص والله
- تنمر وعك ومعلومات خاطئة وادعاء الحكمة
- الكاتبة محتاجة تتثقف وتطلع قبل ما تخرج للناس بعمل أدبي
- شكلها سافرت؟
- ياريتها ما سافرت يا أخي!
-
ضُحَى خَالِدْ
للأسف خابت توقعاتي تماماً في الكتاب... مش عارفة ليه حسيت إن في تقمص شوية لشخصية أحلام في حكايات بنات؟!! رغم إني بحب المسلسل جداً وشخصياته لكن الكتاب لأ للأسف محسيتوش لمسني غير في نقط قليلة أوي أوي فعلاً.
أنا عادة مش بكون مرتاحة أوي في الكتب اللي مكتوبة باللغة العامية، بتشوشني وتخليني ناسية إني المفروض بقرأ كتاب فعلاً.
حسيت كمان للأسف إنه في عمق أوفر في التعبيرات والكلام، مش طبيعي إن أي مكالمة طبيعية بين اتنين صحاب أو أي حاجة لازم يتخللها جملتين عمق كده وخلاص بشكل مبالغ فيه.
محبيتش كمان طريقة التعامل مع محمود المشد أو غيره، في أصول للتعامل مع الغير من غير ما تكسر بخاطرهم أو تهينهم وتحسسهم بالدونية بالشكل ده.
بشكل عام التجربة محبطة فعلاً.... مش لاقية نقاط قوة معينة استند ليها في تقييمي، لأني كمان تخيلت المضمون من جوة مش كده خالص بناءاً على العنوان والغلاف
-
فاتن عثمان
تتحدث القصة عن فتاة مثقفة ناجحة في عملها. مرجع لصديقاتها ومحل استشاره في علاقاتهم العاطفية. تعطي أفكار عن أسباب فشل العلاقات بين الجنسين بأسلوب شيق ساخر. ملاحظتي على أسلوب الكتابه وهو العامية المصرية ومن وجه آخر اعطى السيناريو فكاهة. قصة جميلة.
