العائد (مخطوطة بن إسحاق #3)

الثلاثيه ككل جميله بس الجزء الثالث مش قادره اقيمه كويس بدايته جميله وكانت مبشره جدا بس بعد شويه توهت من كتر الشخصيات والاحداث

واللى صدمنى واحبطنى النهايه اللى اتكروتت بشكل غير طبيعى و كانت غريبه بالنسبه للمجهود اللى اتعمل

الحرب اتقلبت بشكل غريب و القصاب والحلاج مفهمتش قصتهم من ساعه ما اتقابلوا لحد ما الروايه خلصت بالرغم اننا دخلنا فى تفاصيل حياه مهران اكتر من اللزم من ايام الطفوله وجه عندنا الكلام المهم واتقلب

حتى يوسف اللى هو المفروض العائد مش شايفه انه قال ولا كلمه حتى

دخولهم القريه وانقاز حبيبه كان فى منتهى السرعه

مش عارفه ايه اللى حصل فى الاخر بالرغم ان الدنيا كانت ماشيه كويس لحد اخر فصل فى الروايه

قلتها سابقاً وأكرر ، مع مخرج جيد، تصلح هذه الثلاثية لملحمة سنيمائية من الدرجة الأولى..

أعتقد أن هذا الجزء كان من أفضل اجزاء السلسلة .. فاختيار الكاتب لإضافة الشخصيات الجديدة، والتنقل بين الماضي والحاضر كان اختياراً صائباً أعطى بعداً ممتازاً للثلاثية ..

أعيب على هذا الجزء النهاية المختصرة. أعني حقاً، بعد كل هذا العناء، أتعبت ولم تسترسل قليلاً في المعركة الأخيرة؟!

انتظرت الكثير من الإثارة والشرح المفصل، والمشاعر الجنونية للحرب، ولحظات الموت المقدسة.. أتختصرها هكذا ببساطة ! لا نجمة خامسة لك :(

النهايه جميله جدا والأحداث غير متوقعه الثلاثيه جميله جدا

الجزء الثالث والأخير من الثلاثية بنفس جودة الجزء الثاني من الأول لحد مثلا أخر ٢٠ صحفة..

عجبني الجزء اللي اتكلم فيه عن آصف بن برخيا وعن عهد سيدنا سليمان وقدرته في تسخير الجن بالتحديد.. والنظريات اللي سمعتها عن آصف بن برخيا.. والعهود اللي تمت بين الجان وبين سيدنا سليمان وازاي أفسدوها.. عجبتني جزئية شرح التاريخ والإسرائيليات والنظريات عن الحاجات اللي مانعرفش عنها كتير..

الجزء ده كمان كان فيه توظيف للنظريات العلمية ومزجها مع أحداث الرواية.. كان فيه ذكر لنظرية النسبية.. وذكر لعلوم زي الهندسة الكهربية والفيزيا وكان موظفها في شخصية "طه" ابن "عباد"..

واتكلم عن الفرق بين فيزياء عالمنا وعالمهم "افتراضيا يعني".. وسرعتهم وقوتهم و إزاي ان الانسان ربما يكون متفوق في حاجات عن الجن..

Ps:

الشخصية الوحيدة اللي عجبتني كانت شخصية "حامد" التافهة عشان كان بيضحكني في وسط المعمعة بتاعت الأحداث 😂

-كان فيه ذكر لشخصيات جديدة من الماضي وذكر لتاريخها وشخصيات جديدة في الحاضر كانت كتير وكانت مسببة لي تشتت رغم إنها كانت حلوة..

وكان فيه تنقلات كتيرة بين الحاضر والماضي والمستقبل كمان 🙄 في عالمنا وعالمهم والتنقلات ماكانتش سلسلة أوي مقارنة بالجزء الثاني. يمكن لأن الأحداث هنا أكتر!

ولكن صراحة الرواية كانت محافظة على التشويق لآخر لحظة وكان موجود في كل المشاهد ماعدا النهاية.

الحاجة اللي ماعجبتنيش هي النهاية.. يعني الجزء كله بيمهد لمعركة خظيؤة وهاتأثر على عالم الجن ويمكن أذاها يطول البشر.. وخلاص الأبطال عمالين يكتشفوا ف حاجات ووصلوا لطريقة ما وكان فيه تحالف بين العالمين وفجأة لقيت الرواية خلصت 🙄

طب فين المعركة اللي مستنياها طيب! 🙄😂

حرفيا كانت ف أربع صفحات حسيتها متكروتة جدا جدا ع المجهود المبذول وعلي فرهدة الشخصيات جن وإنس طول الرواية 🙄

ممكن تقييم السلسة كلها يكون ⭐⭐⭐

تشويق وتحالفات وأساطير وحاجات غيبية.. كل دول كانوا طاغيين على عنصر الرعب او ع الأقل بالنسبة لي.

ومن يقدر على الصمود أمام بطش العفاريت!!

هل سينجح المخلبي بن ذاعات في فتح البوابات لملوك الجحيم السبعة؟

أم سينجح أصدقاء يوسف في إنقاذه وإنقاذ عالم الإنس وعالم الجن؟

أم سيكون للكاتب كلمة أخرى في ذلك؟

هذا ما ستعرفه من خلال هذا الجزء

مشكلتي اني قرأت الجزء الثاني "المرتد" عام 2015

وقرأت الجزء ده في 2019

حسيت إني تايهة في البداية وحتى الشخصيات مكنتش متذكراهم .. اللي هو مين دول يا جماعة؟ :D

كنت أتمنى يكون في بداية القصة ملخص سريع للي فات من الأحداث والشخصيات أو حتى فهرس للمصطلحات زي الجساس والغرفة النحاسية وغيره لتنشيط الذاكرة يعني قبل إستكمال القصة بدل ما نرجع نقرأ الأجزاء اللي فاتت مخصوص

مبدأياً برضه القصة مش رعب .. يعني ممكن نسميها فانتازيا .. ملحمة أو شيء تاني غير انه رعب

بعض الحوارات كان فيها خفة دم وإن كان بعضها مبالغ فيه أحياناً

ورأيي إن إسلوب الكتابة ركيك جداً ومش متقن

النهاية لم ترضيني ومأشبعتش شغفي كقارئة كنت منتظرة أكشن فتح البوابات والصراع الملحمي اللي هيحصل في الآخر

في شخصيات وأحداث كتير جدااا ملهاش لازمة وإن وجدت فقط فمن أجل الحشو

لكن في المجمل ممكن نعتبره كتاب مسلي مش هتخسر حاجة لو قريته.

رواية العائد للكاتب حسن الجندي تعتبر من أشهر أعماله الموجودة على الساحة مؤخرًا. وطبعًا واضح جدًا من اسم الرواية على أي شئ تدل. قصة رعب جديدة وفريدة يستطيع من خلالها إكمال طريقه الذي بدأه. الطريق الذي تقرر أنت طواعية أن تسيره رغم ما تتوقعه من رعب وخوف ومشاعر تضيق بها الصدور وتنقطع بها الأنفاس.

جاء حسن الجندي بهذه الرواية: رواية العائد فهي تعتبر من أفضل الروايات التي نشرت في عامها، حيث أنها الجزء الثالث والأخير من أشهر أعمال حسن الجندي على الإطلاق: مخطوطة بن إسحاق. يعدك الكاتب أنك إذا بدأت هذه الثلاثية، فلن يمر عليك شهرًا إلا وقد أنهيتها كاملةً، إن لم تنهي هي حياتك.

بعد الانتهاء من العمل و السلسلة بشكل كامل و بالرغم من أن الجزء الثالث أقل الأجزاء من وجهة نظري

الا اني السلسلة في المجمل جميلة جدا و استمتعت بوقتي معاها و أتمني اشوف عمل لحسن الجندي يكون بقوة مخطوطة ابن إسحاق

و أنا أقرأ كنت أتمنى أن أشاهد هذه الرواية على قاعات السينما ( تشويق ، رعب ، إثارة ...) رغم أن النهاية لم تعجبني ولكن من أفضل ما قرأت .

إلى الصوت الذي كان يحدثتك أثناء كتابتك للثلاثية ... شكرا لك

الجزء الاول والتاني افضل بكتير من الجزء التالت الكاتب اللي بيطلع شخصية في نهاية الرواية ويخليها تحل كل الالغاز كاتب مش قوي وغير كده ملهاش لزمةرجوع يوسف تاني والنهاية مش زي المتوقعة مش قوية

الثلاثية ككل جميلة ولكن كان يليق بها نهاية أفضل...النهاية كانت بسيطة وسريعة لثلاثية معقدة الأحداث والشخصيات

ثلاثية جميلة في المجمل ، كاتب متمكن في مجال الرعب انصح بها بشدة

ايوا انا مفهمتش النهايه كده 😅

مم