اقتباسات من كتاب البنت البردانة في قلبي

تعالى نهجر الواقع

ونترك له الفراش ونروح

نطارح عالم الأحلام

غرا م بغرام

ولو قالوا عليك لاسع

وقالوا البنت مجنونة

تعالى بسرعة

وألحقني

وخد أيدي

مابين أيدك

وضم عليها بالمظبوط

لأفلت

وينفرط عقدي

وخدني وطير

طير

بجناح

وضم عليا

بالتاني

سمايا مولعة

بنجوم

ف ليل قلبك

وارضي مفروشة

بلون أخضر

بلون قلبك

تعالى

نفارق الأحزان

تعالى

ده قلبى مرجيحة

وشعلة نار

بتتغير ملامحي كتير

وتتعلم عنيا ازاي

تتحجر

وتتاخر دموعي ساعات

عن المواعيد

وباتعلم

اسيب الصمت

يسكنني

مانيش محترفة ابتسامات

مانيش متفاءلة بطبيعتي

ماليش في الاحتفاء بالذات

ومحتاجة

اللي يحضنني

مبعرفشي اني اتجمل

قلام الكحل كرهاني

صوابع الروج مخصماني

انا مش وحشة يا اخوانا

مرايتي وبس عرفاني

والعاشق هيفهمني

أنا غجرية جوايا

بترقص حافية

فوق الشوك

بتتلقن

دروس الشوق

بوحشية

وببساطة

بتتمرد على المزيكا

والاحلام

على الايام

على رغبتها

في الاحزان

وبتحاول تكون فكرة

وبتفاجئ

بطفل بيحبي جوايا

ميعرفشي من الدنيا

غير الألوان

بيتواصل بصرخاته

في وسط الناس

ميعرفشي عن المنطق

غير الاحساس

وبيصدق

وبيآمن

من لمسة

بتتغير ملامحي كتير

في لحظة ما بين بكا وحبور

ما بين ابتسام وكلام

وبين صمت ودموع وآلام

ما بين انسان لقى نفسه

وبين الحتة اللي نقصاني