مراجعات كتاب ست الحاجة مصر

كتاب : ست الحاجة مصر

📌 هناك رفاق طريق

هناك رفاق هم الطريق ذات نفسه

إهداء

بلال فضل

_ إذا شعرت أن السطور التى تقرأها في هذا الكتاب لم يعد لديها صدى فى واقعك المحيط بك فقد أكتمل نجاح ثورتنا

أما إذا شعرت أنها لا تزال جزء من واقعنا فتأكد إذن أنك لا زلت تحتاج إلى ثورة .... ثورة تكتمل .

_ هكذا يبدأ بلال قوياً كالعاده ومازال قوياً كالعاده لنهاية الكتاب .

📌 صباح زي وشك يامصر

صباح الخير على الناس المرهقين من عناء الحياة وعلى ضحكة عالية في قهوة شايها ما يتشربش،على سينما زحمة والضحك طالع من القلب ،على فطاطري الحسين اللى سمى نفسه بيتزا الحسين فباظ من ساعتها،صباح الخير على الناس اللى واقفة في طابور الحكومة بتتخانق على الدور، صباح الخير على مدام عفاف اللى في الدور الثالث اللى مطلعة عين اللى جابونا ،صباح الخير على عم أحمد بتاع الفول اللى مظبطنا أحلى فطار، على البائس والضاحك والكئيب والنكدي

📌يبدو حميداً

يتحدث بلال عن والدته بكل فخر وحب واعتزاز وصفها بالمدرسة كما وصفها أحمد شوقي بإنها أخرجت شاباً طيباً الأعراق مثله ،الحقيقة يابلال إنت طيب الأعراق،يحكي بمنتهى السخرية وماتعرضت له والدته في المستشفيات المصرية أثناء علاجها تحت شعار " أضحك مادام بوسعك الضحك لتتغلب عن الألم " .

📌 ست الحاجة مصر

كل فرد مصري عايش بيقرأ الريفيو ده عنده نموذج ل (ست الحاجة ) الأم المصرية التى تربي وتكبر وتكنس وتطبخ وتمسح الشقة وأحزان اللى في الشقة وأحزان الناس اللى عايشة جنبنا واللى جنب جنبنا ،كانت دائماً تطمع فى إنها تتعامل كإنسانة تريد من مصر أن تحفظ لها كرامتها في كبرها وعجزها لكنها دون رحمة لم ترى إلا سواد الليل، تتبهدل وهي كبيرة السن في المستشفيات دون رحمة،تموت ست الحاجة وهى وشها منور كأنها فرحانة أنها تركت البلد لحكامها وإعلامهم وصحفييهم وجلاّديهم ،ربما خسرنا ست الحاجة لكن الدنيا ما بتخلصش .

📌يامغرقنا في خيرك

_أخذنا بلال معاه رحلة للشاطىء وركبنا السفينة وركبنا معاه الأمل وحدثنا عن عظمة البلد في طريقة تعاملها مع الغارقين من فلذات أكبادنا ،أغلب الظن أننا لا نستطيع النوم لو تخيلنا أنفسنا مكان الغارقين والأغلب لن يشاركنا أحد من الذين يحكمون لأنهم مضطرين الصحيان مبكراً لحضور أولى جلسات المؤتمر العالمى لل ...... يلا بلاش نقول عشان الرقابة إن شاء الله يغرقوا ما يلاقوا عوامة وزه تنقذهم .

_ طب فين الناس الحلوة من لمتنا في أخر الشارع وضحكنا اللى بيسمع للشارع اللى جنبنا ،فين لمتنا على كنبة الصاله امام فيلم أبيض وأسود من بتوع زمان اللى كان بيرد الروح وفين لهفتنا على حلة المحشي من أيد ست الحاجة ولا صوت النقشبندي وهو يبتهل ( مولااااي...إني ببابك قد بسطت يدي)

_ تعددت فصول الكتاب وكل فصل أحلى من اللى قبله

" فساد المكسرات ، ثورة الشك، خمسة ملايين فرصة تحرُّش،

أقبلوا عثرة أخيكم، بلطجه سبع نجوم،رسالة من الجندي المجهول، حديث اللفافة، يامغرقنا في خيرك " .

📌 كلمة من الكاتب

_ أنا آسف .. من قلبي آسف ،على أننا أصبحنا نعيش في غابة لا يوجد فيها أي إحترام لأدمية الإنسان أو كرامته آسف لأننا لم نعد نرحم أحداً ثم نسأل : لماذا لا يرحمنا اللّه ؟!

📌كلمة للقارىء

_ آسفه لأني أبكيتك قهراً دون المواساه.

📌 كلمة للكاتب

_ لم يخوني الرهان على كتابتك يابلال يافضل ، لك أسلوب ساخر ضاحك باكي ليس له حدود ، لم ينتهى فضولى طول القراءه لمعرفة ماتطويه باقى الصفحات ،أمتعتني بالقراءه

ادام الله عمرك وأمتعك بالصحه والعافيه.

🎻🎻طقوس القراءه

_ أستمعت إلى تتر " ليالي الحلمية " ألحان ميشيل المصري

_ أستمعت إلى تتر "أرابيسك " ألحان عمار الشريعي .

#ريفيوهات_مي_كريم

#بلال_فضل

⁠‫أول صباح و أول مراجعة في ٢٠٢٣:)

صباح الخير علي ست الحاجة مصر.. صباح الخير على ناسها المرهقين من عناء الحياة..الناس اللي عايشة اليوم بيومه.. مابتفكرش في إمبارح عشان ماتتحسرش.. مابتفكرش في بكرة عشان ماتتقهرش.. مابتفكرش في النهارده عشان ماتتنقِطش..

صباح الخير على بلد كثرت فيها المساجد و قل فيها المصلون..علي بلد زاد فيها الحجاب و نقصت فيها العفة..بلد تستورد القمح و لكنها تزرع الفراولة ..بلد تنتج المرض ولكن تستورد الدواء...

أنا آسف.. من كل قلبي آسف.. على أننا أصبحنا نعيش في غابة لا يوجد فيها أي احترام لآدمية الإنسان أو كرامته أو خصوصيته. أنا آسف لأننا لم نعد نرحم أحدا ثم نسأل: لماذا لا يرحمنا الله؟

وعلي الرغم من كدة مازلنا نعشق الحياة و سنضحك كلما استطعنا إلى ذلك سبيلا لأن الضحك هو العلاج الوحيد الذي لا يزال ببلاش..

المراجعة دي كلها اقتباسات من مجموعة المقالات الموجودة داخل صفحات هذا الكتاب الممتع..جزء منها مكتوب قبل ثورة يناير وجزء تاني بعدها ولكن الأكيد إن معظمها مازال يعبر عن واقعنا الجميل ولا كأن في أي حاجة اتغيرت!

وبعدين سيبك بقي من كل دة و تعال أقولك أهم حاجة...

"بلدنا هذه بلد عظيمة.. عندك اعتراض؟

ورئيسها رئيس عظيم.. عندك مانع؟ "

لأ طبعاً معندناش أي مانع يا أستاذ بلال؛)

ست الحاجة مصر

مجموعة من المقالات للأستاذ بلال فضل

بعد المقدمة بداء الكاتب بمقالة أشبه ما تكون بدردشة بين صديقين

يتحدث فيها عن موقف فى محيط عائلتة

ثم مجموعة من المقالات المختلفة فى المواضيع والتوقيت الزمنى

بأسلوبة المميز الذى يمزج فيه النقد بالسخرية اللاذعة والمغلف بشعور من المرارة والحزن

ينتقد الكاتب أحوال عدة فى المجتمع

يتميز أ/ بلال فضل بانة يوصف لك الأحداث من منظور الشخص الذى جرب وليس الشخص المتعاطف

وشتان مابين الأثنين فكما قيل

لَيسَت النائِحةُ الثكلى كالنائحةِ المُستأجَرة

برغم مرور زمن على صدور الكتاب ولكن لم يتحسن الأمر بل إزداد سوء

"أما إذا شعرت إنها لا تزال جزءا من واقعنا فتأكد إذن إنك لازلت تحتاج إلي ثورة .. ثورة تكتمل"

ده اللي مكتوب علي غلاف الكتاب ردا علي سؤال الكتب ده قبل الثورو ولا بعديها؟

و بعد ما تقراه هاتكتشف إن تقريبا مافيش ثورة اصلا !!

الكتاب مجموعة من المقالات .. أغلبها قبل ما يسمي بالثورة لكن هي مستمرة لحد دلوقتي و كل اللي فيها لسه بيحصل لحد دلوقتي

آخر كام مقالة منه كانوا بعد الثورة لكن لما تقراهم دلوقتي و علي الحالة اللي احنا فيه هاتحس بسذاجة في الكلام و و إنه بقي مجرد كلام شاعري و عاطفي علي الفاضي :(

كتاب جيد .. ساخر .. مضحك .. محزن

قرأته في فترة سيئة، في يوم وليلة وأنا سيء المزاج، والوضع سيء عامة. الكتاب كان يمكن قراءته في فترة 2012،2013 كان يمكن يبقى مثير، ومهم، لكن اللي فيه دلوقتي قراءته مسلية نوعًا ما. عجبني جدًّا أول مقال فيه، الغلطة مش على بلال في إنه الوضع اتغير للسوء ده وكتابة أصبح لا يجاري الواقع، بس كجهود رائع منه، وكتابة ممتعة للغاية.

كنت أتمنى من بلال ألا يحذف الجزء الذي أشار إليه في النهاية. عموما لا يخذلك أسلوبه ابدا رغم أن هناك أجزاء تشعر بها أكثر حيوية وحسا من غيرها مثل الجزء الأول صباح الخير وجزء الشباب المهاجرين الغرقى وجزء والدته. تظل كتابته تفيض بالأسى رغم كل شئ.

أتمنى إن في يوم من الأيام أقرأ الكتاب ده وألاقي...مش هقول "كل"، لأ... "نص" المقالات اللي فيه، مش من الواقع المُر لبلدنا.. أتمنى اليوم ده ييجي قبل ما أروّح من الدُنيا دي.

أملي في ربنا كبير، بس أملي في المصريين للأسف.. يكاد يكون منعدم.

يحميك يا عمونا - ينفخ في سيرتك وانت رابط عالحدود - كتير بندعي ليك - وبنسلم عليك - ونقول بعد السلام - استمر ويحميك من اللي بينسخواويمسخوا الكلام

٥ص