مراجعات كتاب ما فعله العيان بالميت

الكتاب : ما فعله العيان بالميت

الكاتب : بلال فضل

📌 الأهداء

دائماً لك طلة متميزة ومختلفة في الإهداء تمنياتي لقضاء باقي العقوبة في عشقها يا بلال .

_ بيدخل الكاتب من سكة البساطة ويكتب مقدمة ولا أجدع من كدة بصراحة .

في أكثر من فصل قرر يكتب عن مشاعر الشباب المتأرجحه وأصاب الهدف بجدارة كالعادة .

📌مافعله العيان بالميت .

_ تفتكر معايا كده ممكن يعمل ايه العيان في الميت مثلاً غير أنه مات وشبع موت ،طب فكر كده على حسب توقيت قراءتك للكتاب وارتباطها بالتوقيت الحالي يعني زمان مثلا ممكن يخطر ببالك أنه اغتصب الجثة ولا باع الجثة ، طب أنا هخليها مفاجأة ليك تعرفها وأنت بتقرأ الكتاب .

📌 ساعة حساب .

فصل ممتع جداً جداً بيحكي معاناة المصري البائس وإنك بدل ما تسأله هو أنت مت ازاي من باب أولى تسألة كنت عايش إزاي ؟

📌الحاجات دي .

ودي بتبدأ بجملة الزوجة المصرية العظيمة بس بقى مش هنقضي العمر في" الحاجات دي" إلى إنتهى بها الأمر إلى القضاء على الحاجات دي في وسط الزحمة وياريتك ما كنتي نطقتي يا غالية .

📌 من أجمل فصول الكتاب .

_حتى الجراچات يمكن أن تغرق !

_ولا تأكل بثدييها !

_كشكول الأمل .

_في شرفة سماوية .

📌كلمة للكاتب :

يابلال إنت من أكثر الناس اللى بتغير مزاجي وأنا بقرأ كل فصل من الكتاب قادر على أن يقضى على حاله الملل وينقلني إلى حال أفضل .

تمنياتي ليك بالنجاح والتفوق الدائم على نفسك يا مبدع .

📌 كلمة للقارىء :

كل كتب بلال فيها فكرة وإسقاط فكري عظيم قادر ياخدك معاه في أعماق الفكرة .

🎻🎻 طقوس القراءة .

موسيقى عمار الشريعي" ارابيسك "

#ريفيوهات_مي_كريم

#بلال_فضل

من اسوأ الكتب اللى قريتها فى حياتى كلها .. كتب بلال فضل !!

كتب فى منتهى السفاهة والسفالة والانحطاط !!

بلال فضل شخص مزدوج الشخصية ,, متفهمش هو كويس ولا سىء جدا جدا !!!

شخصيات زى كدة تسببت فى حالة التصدع اللى عايشين فيها .. ده غير اباحة القرف والقذارة والسفاهة بأسم حرية الرأى والتعبير والابداع والفكر !!!

اصحاب هذه النداءات مش قادرين يقتنعوا انهم منبوذين من المجتمع اللى بيقدر وبيحترم الجمال والأدب بالفطرة !

الشعب ضحية هذا النوع من الابداع وحرية التعبير .. اصبح الكثير مننا يستلذ هذا النوع من الاعمال السفيهة لدرجة انه بيدافع عنها وعن اصحابها باستماتة واولهم النخب الليبرالية والعلمانية !

" ما فعله العيان بالميت" كتاب اشبه بالمرض الخطير .. يصيب قارئه بالتخلف العقلى والاشمئزاز وبلادة القلب والاحساس .. مع رغبة فى التقيؤ والبصق على من دفعكـ لشراءك هذا الكتاب !! :D :D

ملحوظة: لعدم تضيع وقتكـ .. من الممكن ان تتخيل ان سفاهة هذا الكتاب تفوق بكثير افلام عديدة بمثل هذا المستوى المنحط ... مثل فيلم كلم ماما وخالتى فرنسا !!! XD

بلال فضل لديه قدرة عجيبة على نقلك إلى أحشاء المجتمع المصري بكل تناقضاته وعبثيته السياسية. هذا الكتاب هو تجسيد لحالة "ضحك كالبكاء". أعجبني جدا قدرته على الإمساك يتلابيب اللغة وهو تقليد مصري أصيل تكون فيه اللغة أداة تراجيكوميدية للتعبير بصور بصرية مبدعة عن واقع مغرق في السوداوية. تعبير مثل "نقب على وجه الدنيا" للمرحومة الحية أم هند تعبير بليغ ذكرني بالمواطن 'غولوم' في سلسلة سيد الخواتم. عمل جميل يا بلال، أجمل كتبك وأكثرها إمتاعا، إلى حد الآن.

ملحوظة: بما أنني من زمرة 'المواطنين الشرفاء السابقين لأحد الدول الرائدة' المذكورة بالإسم في قصة أم هند، فقد تململت قليلا من اقتران البلد بذكر الخادمات واستحضرت شعورا قوميا مدفوناً مثل نفايات تشيرنوبل فكرت معه بكتابة عبارات من قبيل ' يا راجل دا حنا اللبان والبخور بتاعنا كانوا من أيام حتشسبوت ونفرتيتي بيعدلوا مزاج المصريين، زي الخطابات الرئاسية بس مع رائحة حلوة!" ثم تذكرت أننا نقطع أشجار اللبان لاستعمالها كحطب فاستعذت بالله وواصلت الاستمتاع بالقراءة.