اقتباسات سالي نصار

شريك الحياة مش هيجي على حسب مواصفاتك، هو هيجي أفضل مما تتخيل، مش لازم تنبهر بيه، هو ربنا هيحسسك بالراحة تجاهه، وهيسيب لك الانبهار بعد الجواز، لما حد فيكم يقع في أزمة أو مشكلة ويلاقي التاني بيقف جنبه هتنبهر،

أوقات ناس كتير بتخاف من الطلاق، علشان يفضلوا محتفظين على الأقل ببقايا أمان وعطف وشفقة، ببقايا مكان اتولد فيه حب، ببقايا إنسان كان في يوم من الأيام بيحب وبيهتم، الإنسان بطبعه بيحارب مشاعر التخلي عنه، زي الابن اللي بيعرف إن أمه هتسيبه وتمشي ممكن يعمل أي حاجة علشان أمه ترجع في قراراها، حتي بيتخلى عن إنها تفضل تحبه لكن متمشيش، مش كلنا مهيأين إننا نتساب أو حد يتخلى عننا، مش كلنا بنقدر نعيش من غير حب وسند، مش كلنا نقدر نتحمل مشاعر التخلي، والعلاقة اللي بيبنوها المتجوزين بتكون أهمها هو التعهد بعدم التخلي، لأننا أمام التخلي كلنا أطفال

احنا مش بنتكلم عن الأزواج اللي قدروا يأذوا بعض نفسيًا، احنا بنتكلم عن اللي لسة حبل المودة متقطعش بينهم، لسة فيه حب، لسة فيه تقرب محدش هيقدر يفهمه غيرهم، بنتكلم عن المغفرة لأخطاء نقدر نعديها علشان منخسرش شئ أهم وهو الرباط المقدس اللي محدش يعرف سره غير ربنا.

مرة سمعت واحدة ست بتقول.. مش عايزة أتدفن لوحدي، كل ست ها تدفن مع جوزها. أحيانًا بيكون الخوف مش من الوحدة في الحياة، أحيانًا الخوف من الوحدة بعد الموت، إني أروح لحياة تانية خالدة مليش فيها حبيب.

الشيطان قدر أنه يشوه صوره الأسره ومفهومها الحقيقي في عقل الكبير والصغير، في عقل الأب والأم والأبناء و المجتمع، وزرع أفكار زي الأنتقام والتنافس بينهم.

في الجواز بتيجي مرحله بتحس انك زهقان أو مخنوق، فيه ملل والحياه بقت روتينيه وفجأه بتكون عامل زي الموظف اللي فاقد الشغف اللي عايش وخلاص لحد ما يموت، لا أستني ماتكتئبش خليك معايا

لما بتزهق في العادي بتدور علي حل ممكن تخرج تتفرج علي فيلم ، ممكن تصلي وممكن تقعد تسمع اغنيه ، لكن مش هاتقوم تموت نفسك

في الجواز الناس بتتعامل مع الزهق علي انه يلا نقوم نتخانق او يلا نسيب بعض ،

طيب ليه ؟؟ طيب حاولتوا تغيروا من نفسكم ؟ حاولتوا تغيروا الوضع بتاعكم دا؟

العداء اللي بنلاقيه بين اتنين متجوزين أو فكرة إن العداء ممكن يكون بين اتنين متجوزين!! فكرة اخترعها المجتمع وثقافته وناسه وأمثاله الشعبية، فكرة اخترعها إبليس لمدى كرهه لبني آدم، فكرة شيطانية خلى أتباعه من الناس والشياطين يلمعوها في عقل الإنسان، خصوصًا الزوج والزوجة.

ورغم إن ربنا جعل الزواج يقوم على المحبة والود والرحمة والسكينه، إلا إن فيه طرق شيطانية قدرت إنها تحول الحب والود والرحمة إلى غلظة وكُرْه وقسوة وعدم حب الخير، وعلى التعامل الوحش وعدم الاحترام والإصرار علي الأذيه، وده اللي بنشوفه في نماذج كتير للأسف.

كتاب مهم جدا وارشحه بقوه

🤩🤩🤩🤩

في الجواز بتحصل ازمات ومشاكل كبيره مش هانكر ، لكن المشكله الاكبر لو معندناش مهاره اداره الازمه ، لو معندناش شغف بالاستمراريه ، لو مافيش هدف يخليني أستقتل علي اننا نخرج من الازمه دي سالمين معافيين نفسيا ، وقادرين أكثر اننا نتحمل اي حاجه في سبيل اننا نحافظ علي بعض . طيب نتحمل عشان بعض ليه؟

هاقولك عشان دي حياتك انت ، ماتخليش حد يتبرع ويدخل حياتك عشان يديرها عنك، بلاش تفتح الباب ده، في مسئوليات بجد ماينفعش نستسلم قدامها أو نتمرد عليها، فيه مسئوليات بتحتاج تاخد منها شويه راحه ترتب فيها افكارك وترجع تلتزم بيها تاني، انت كزوج او كأب مسئول تدير الازمه وتطلب المساعده من مراتك وتحلو المشكله سوا، ماينفعش تلاقي مراتك واولادك في مركب مخرومه وتسيبهم وتمشي ، هي دي الازمه اللي ممكن تخسر فيها كل حاجه . وانت مش قد انك تخسر الحب والامان  ونعمه الاسره في حياتك

في الجواز بتيجي مرحله بتحس انك زهقان أو مخنوق، فيه ملل والحياه بقت روتينيه وفجأه بتكون عامل زي الموظف اللي فاقد الشغف اللي عايش وخلاص لحد ما يموت، لا أستني ماتكتئبش خليك معايا

لما بتزهق في العادي بتدور علي حل ممكن تخرج تتفرج علي فيلم ، ممكن تصلي وممكن تقعد تسمع اغنيه ، لكن مش هاتقوم تموت نفسك

في الجواز الناس بتتعامل مع الزهق علي انه يلا نقوم نتخانق او يلا نسيب بعض ،

طيب ليه ؟؟ طيب حاولتوا تغيروا من نفسكم ؟ حاولتوا تغيروا الوضع بتاعكم دا؟