اقتباسات هبة السواح

«حتى أعظم حيتان البحر ليس لديها أي قوة في الصحراء، اعرف نقاط تميُّزك، وركِّز عليها، وكُن قانعًا بنقاط ضعفك، واعمل على تقويتها»

«مصدر الكآبة هو الغضب المكبوت»

⁠‫(سوزان سونتاج)

الناس اللي بتتعلم تتعامل صح مع الحزن من غير ماتجبر نفسها بالعافية إنها ماتحسش بيه، بتخرج أقوى من التجارب! بيبقوا أقل تعلق بالدنيا، وأكتر امتنان لها وللدروس اللي بتعلمها لهم.

«لو أردت بناء جدران حولك لتمنع الحُزن من الوصول إليك، فاعلم أن هذه الجدران ستمنع السعادة من الوصول إليك كذلك»

⁠‫(جيم رون).

الفقد شعور مؤلم جدًّا.. أيًّا كان سببه ومنطقيته ورضا عقلك أو قبوله بالفقد! شعور مؤلم وموجع لدرجة إن الـtrue self بتاعتك ممكن توقف لك كل حاجة إنت بتعملها، وتجبرك إنك ترتاح في السرير وتعيط من جواك كأنك طفل موجوع وعيان ومحتاج راحه

الشعور بالـgrief أو الحزن بيبقى مرتبط دايمًا بالشعور بالفقد! كل مرة بتفقد حاجة عزيزة عليك بتحس بالحزن، وكل مرة بتحزن بيبقى بسبب فقدك لحاجة عزيزة عليك!

اتعلمنا ازاي نذاكر وننجح، لكن ماتعلمناش ازاي نفشل.

«الدوافع شيء يجب أن يتجدد يوميًا»‏

⁠‫‏      زيج زيجلار‏

عوِّد الناس اللي حواليك إن فيه أوقات بتبقى مش متاح، عادي جدًّا.. إنت مش بوليس النجدة ☺.

ناس كتير ‏بقت تعتمد في أفكارها وآرائها على الإعلام! بقى مصدر ‏القصص والأفكار والمعلومات عند ناس كتير هي الأفلام ‏والمسلسلات والبرامج من غير أي فلترة! وده خطر كبير ‏جدا بالذات في ظل مستوى الإعلام اللي بيتدنى يوم عن ‏يوم!

وأكبر غلط تغلطه في حق البشرية، وفي حق نفسك انت شخصيًّا، إنك تحاول تتبنى وتقلد اهتمامات اللي حواليك.

⁠‫«إذا واصلت سرد القصَّة الصَّغيرة المُحزنة نفسها، ستستمر في العيش في الحياة الصَّغيرة المُحزنة نفسها»

⁠‫(جان هوستون).

أنا اتكلمت عن الحزن بالذات! لأنه شعور مش هينفع تتخطاه! لازم تقف وتسمعه وتعبَّر عنه بالعياط، بالكتابة، بالكلام، بالرسم، بأي طريقة صحية، المهم تدي نفسك وقت تحزن!

هات أقوى راجل تعرفه، هتلاقي جواه طفل زعلان على حاجة، بس هو مش سامح له ينطق!

علم النفس بيسمي الحزن The healing feeling، يعني الشعور اللي انت محتاجه عشان تتعافى.

لو نفسك تعوم وأخدت كل دروس السباحة اللي في الدنيا من غير ماتنزل الميَّه عشان خايف ومستني الخوف يروح، مش هيروح! مش هيروح غير لما تاخد حبوب الشجاعة، وتنط في الميَّه فعلًا!

الحقيقة مهما كانت مرعبة، ومهما كانت نتيجتها، هتبقى أقل تدميرًا من إنك تكمل في وهم وانت بتضحك على نفسك!

لو جبت لك ورقة وقلم وطلبت منك تكتب فيها أوحش سر عندك، وقلت لك ماتقلقش، محدش هيقرا، إنت هتحرق الورقة دي بعد ماتخلص.. هتتفاجئ برضه إنك مش عارف تكتب الحقيقة كاملة!

فيه ناس فينا بتقعد مع الدكتور النفسي عشان تتعالج، وهي أصلًا مش بتقوله الحقيقة!

الأوجاع النفسية تأثيرها أكبر بكتير على البني آدم من الأوجاع الجسدية!