اقتباسات هبة السواح

أفشل أحسن من إني ماحاولش أصلًا! وفيه احتمال إني أنجح واتبسط كمان!

لو أهلك كانوا مؤمنين بيك وبيشجعوك فدي حاجة عظيمة جدًّا، بس برضه انت اللي محتاج تكتشف بصمتك بنفسك وتحدد طريقك وتمشي عليه!

ـ في بُعد تاني مهم ‏جدا وهو بُعد العطاء! أما بتلاقي المعنى من حياتك ومن ‏اللي بتمري بيه، مش بتقدري غير إنك تنقلي ده لغيرك ‏وتساعديه، وساعتها بتبقي سيبتي بصمتك وحققتي مراد ‏ربنا منك فعلا! عشان كده الناس اللي عايشة لنفسها و‏بس ـ مهما كبروا في حياتهم ـ في الآخر بيقفوا! بيحسوا ‏إن في حاجة ناقصة! بيحسوا بكآبة لأن الحياة من غير عطاء ‏بتبقى فعلا كئيبة وملهاش معنى! ‏‏

الإرادة بتاعتك مش هتقوى غير لو رميتي ‏نفسك في تحدي، غير لو أخدتي مخاطرة، غير لو ‏واجهتي مشاعر الخوف اللي عندك وبطلتي تفكري ‏شوية في اللي ممكن يحصل ويجرى، وأخدتي أكشن ‏حالا!

الإنسان عامَّةً المفروض يكون مركِّز حوالي ٢٥٪ من تفكيره في الماضي.. عشان يتعلم منه، ٢٥٪ من تفكيره في المستقبل.. عشان يخطط له، ٥٠٪ من تفكيره في الحاضر.. عشان يستمتع به ويعيشه!

الغضب في الحقيقة شعور مهم لأنه بيديلك طاقة إنك تدافع عن حقك وتغيَّر وضع مش عاجبك.

«تذكَّر أن المشاعر التي لا يتم التعبير عنها لا تموت أبدًا، إنها تُدفن حيَّةً، ثم تطفو فيما بعد بطُرُق أكثر قُبحًا، عليك أن تُعبِّر عن مشاعرك، وإلا فإن تلك المشاعر ستأكل قلبك»

‫ (شين كوفي).

«بدلًا من أن تأخُذَ من ذاتِك لِتُلائِم ما يُحيط بك، اقتطع من الْعَالَمِ لكي يُلائِمَكَ أنت»

‫ ديفيد هربرت لورانس

اطلع من قالب «أصل أهلي…»، واعرف إنها حياتك وبصمتك وطريقك انت، اللي مش لازم خالص «كل الناس» تبقى بتسقف لك عليه!

قناعاتك هي المفاهيم، أو المعتقدات، اللي جوا دماغك، واللي بتفرق معاك جدًّا في تقييم الأمور، واتخاذ القرارات.

اختار اللي بيدخل جوا دماغك زي مابتختار لبسك.. وأكتر كمان ☺.

‫ «أنت الكتب التي تقرؤها، والأفلام التي تشاهدها، والموسيقى التي تستمع إليها، اختَر بحكمة ما تغذِّي به عقلك»

‫ (ديفيد ولفي).

فيه ناس بترتاح كتير لما تسستم نفسها إنها مش لازم خالص تكسب النقاش مع زمايلها في الشغل، ولا لازم تقنعهم برأيها، ولا لازم يبقو أصحاب أصلًا!

جيم رون كان له مقولة بتقول: «أنت متوسط الأشخاص الخمسة الذين تقضي معهم معظم الوقت»..

طريقة تعامل الغير عامة بتبقى في الحقيقة مراية بتعكس شعورهم هما بنفسهم، أكتر ما هي مراية لقيمتك انت.

مخك لما بيشوف إن فيه حاجة اتكررت أكتر من مرة، بيروح واخد الحاجة دي معممها في محاولة منه إنه يسهل عليك حياتك ويخليك ماتقفش عند كل حاجة كبيرة وصغيرة وتفكر فيها!

كل واحد فينا «الناس» بتوعه عبارة عن كام شخص، ومش شرط حتى يكونوا قريبين منه، بس مخه خدهم كدا، وعمل حالة من التعميم، وسماهم «الناس كلها»

طب انت أخدت بالك جحا لما مشي ورا كلام الناس حصل له إيه؟ تعب نفسه، وتعب ابنه، وفي الآخر برضه الناس مارضيتش عنه!

«هكذا، تستمر جملة (ماذا سيقولون؟) لتسيطر على حياتنا وهواجسنا ومخططاتنا، ولنكتشف بعد انقضاء العمر أننا عشنا لهم ولم نعِش لنا!»

‫ عارف الخاجة

«الجزء المحذوف من كلماتنا، الأحلام التي لا نُخبر عنها أحدًا، النظرة التي نحتفظ بها حتى نستدير، هي نحن في الحقيقة»

«خليك نفسك»، و«خليك انت» مش حد تاني مهما كان الحد التاني دا بيلمع أكتر! إيه الفايدة إنك تلمع من برا والناس كلها تنبهر بلمعتك، وانت من جواك مطفي!