مراجعات رواية منطقة جهد عال

جيدة كأول عمل للكاتب، الأفضل الإبتعاد عن اسلوب الخطابة في بعض الفقرات واقحام مواضيع في غير موضعها.

هي قصة طفوليه زي حواديت الاطفال كده يعني نصدق اللي بيتقال وخلاص!

ظابط يقعد في مكتب عميد كلية محترم اول مره يشوفه ولا فيه تحقيق ولا حاجه ولا هو متهم مثلا لكن بلا سبب يحط رجله على الترابيزه في وش الراجل بقلة ذوق لمجرد انه ظابط وشرير وكده!

وتقريبا جمهورية مصر العربية كلها مفيهاش غير الظابط ده اللي بيتولى التحقيق في القضية اللي محدش كلفه بيها اصلا!

وقاتل يعلق جثه في سقف مدرج عالي جدا لوحده منعرفش ازاي

ويتعور ويترك آثار دماء في مسرح الجريمة بس لا الظابط ولا الطب الشرعي يفكروا يطابقوها بعينات دم المشتبه فيهم !

وعميد كليه يقرر يداري علىِ جريمة في مدرج عنده ويخفيها علشان خايف على منصبه !

ويقنع حراس الأمن انهم يسكتوا ويتخلصوا من الجثه ويتورطوا في كام جريمة بدل ما يرفدهم من وظيفتهم !

والقاتل يشرب الظابط عليه عصير فيمسح ذاكرته لليوم اللي فات! ويرجع يعيش حياته عادي وهو ناسي الاعتراف !

وطبعا ما ننساش بقى ان الفراشه الخرساء تطلع ظابط مخابرات قد الدنيا وكده رغم ان كل الناس اللي كانت مزروعه علشان تحميهم اتقتلوا وهي مخدتش بالها من حاجه

والعديد من هذا اللا معقوليزم حتى الوصول للنهايه الخزعبليه الامريكاني الاكلشيهاتي اياها

تقييمي الحقيقي هو نجمة واحده ولا تستحق اكتر من كده

لكن زودت نجمه تانيه بس علشان المجهود اللي بذله الكاتب رغم كل عيوب الحدوته دي