مراجعات كتاب أخضر : رحلة الوعي نحو الذات والعلاقات

‏العلاقاتِ لا يُبقيها الحُب، ما يُبقيها هُو الأماَن وعَدم الخَوف من الغدر وتقلُب الرأي، فحيثُما كان الأمَان، وُجد الاستِقرار والاطمَّئنان.♥️

هستنى رأيكم في مسدچ على فيس بوك، أتمنى لكم قراءة ممتعة وثرية 🌱💚

بصراحة مش مجرد كتاب تنمية ذاتية والسلام، لكنه تجربة مختلفة بتاخدك في رحلة عميقة جوه نفسك، وبتساعدك تشوف الحياة والعلاقات بشكل أوعى وأوضح. الكاتبة بتتكلم عن مواضيع مهمة زي الإحباط، النجاح، العدالة، وقوة الكلمات، وكل ده بأسلوب بسيط، قريب للقلب، وفي نفس الوقت مليان معلومات نفسية وعلمية تخليك تفكر بجد.

اللي بيميز الكتاب إنه مش مجرد كلام تحفيزي وخلاص، لكنه عملي جدًا، فيه تجارب حقيقية وأمثلة من الحياة، وحتى الكاتبة بتحكي عن مواقف شخصية ليها، فبتحس إنك مش لوحدك في اللي بتمُر بيه. كمان الكتاب بيشجعك على إنك تتحرر من الأحكام السطحية، وتتعلم تتعامل مع التحديات بطريقة مختلفة، وتبدأ تبني نفسك بشكل حقيقي من جوه.

لو إنت من الناس اللي بتدور على حاجة تغيّر منظورك للحياة، وتساعدك تفهم نفسك أكتر، وتاخد خطوات حقيقية ناحية التغيير، فالكتاب ده هيكون اختيار هايل ليك. مش مجرد كلام نظري، لكنه أداة عملية هتخليك تبص للحياة من زاوية مختلفة تمامًا.