مراجعات رواية ميراث الحرمان

روايه ممتعه انا مش بعرف في الرفيوهات اوي الحقيقه بس هقول انها روايه خطفت قلبي غضب حور انا فهماه الحرمان وليها ميراث كبير فعلا كان سبب لحتقها ولمراره رافقتها العمر كله لكن كان حظها حلو انها لقت حسين اعتقد لو كانت اجوزت احمد مكنش الجواز هينجح كده الحوار جميل جدا هادي نفسي اشوفها مسلسل هيبقى لطيف فيه ال بيدور في البيوت المصريه وتوعيه لان حسن النيه مش كفايه الحقوق لازم تسلم لاصحابها وهم احرار فيها زعلانه انها خلصت الصوت تحفه المؤديين كانوا جمال وهاديين ومش اوفر استمتعت جدا وبالتوفيق للكاتبه وباذن الله اتابع الجديد لها

خلصت قراءة الرواية وحقيقي استمتعت جدًا بالرواية أكتر حاجة لمستني فيها إنها اتكلمت عن الحرمان بشكل مختلف مش بس حرمان مادي لكن حرمان من الحب والاحتواء والحقوق وده خلّى الأحداث قريبة جدًا من الواقع اللي بنعيشه

عجبتني الطريقة اللي رسمت بيها الشخصيات وقدرتها على نقل مشاعرهم وأوجاعهم لدرجة إني اتعاطفت معاهم جدًا وشخصية حسين مكنتش عارفة اغضب منه ولا ازعل عليه كمان القضايا الاجتماعية اللي اتطرقت ليها كانت مهمة ومؤثرة وخلّتني أفكر في حاجات كتير بنشوفها حوالينا كل يوم

الرواية فيها رسالة إنسانية جميلة وأسلوبها كان بسيط وسلس وفي نفس الوقت مليان مشاعر بجد كانت تحفة أنا خلصتها في وقت قصير جدًا مقدرتش اسيبها وارجع لها خلصتها في قعدة واحدة