مراجعات كتاب لماذا يا أمي: كيف تتعافين من جرح الأم وتجنبين أطفالك توارث الألم؟

كتاب ثقيل مؤلم ومهم تناقش د. سارة فيه الألم النفسي الناتج عن غياب رعاية الأم وتأثيره على نمو شخصية الأبناء و العواقب المَرضية لذلك.. ورحلة التعافي وضرورة الوعى بالمشكلة ومحاولة حلها حتى نمنع توارث الألم للأجيال بعد كده...

ما آلمني هنا ليس لأنى عانيت من إساءات الطفولة الناتجة عن غياب رعاية الأم ولكن ألم خوف من ان أصبح تلك الأم التى تورث الألم... رحلة الاستبصار لمعرفة الألم الداخلى ... الاعتراف بمشاعرك تصدقها... تعرف إزاى تتعامل معاها وبالتالي تعرف تفهم مشاعر طفلك....

د. سارة بتوضح إن الأمهات والآباء مش معصومين من الخطأ لأن الخطأ طبيعة بشرية لكن ازاى هنتعامل مع الخطأ ده... ازاى هتتعامل مع مشاعر طفلك اذا كانت ناتجة بسببك... هتقدر تفهم وتتعاطف مع مشاعر الغضب والحزن اللى بيخس بيها فى نفس الوقت اللى تفهمه انك غير موافق على السلوك الغلط أو كسر القاعدة...!

المهمة صعبة وشاقة لكن النتيجة أكيد تستاهل... ان تربي طفل قادر يفهم مشاعره.. تكون إنت مصدر أمانه... مش ألمه...

حتى لو تعرضت لإساءات فى طفولتك فده مكنش خطأك ولكن تعافيك أصبح مسئوليتك إنت عشانك وعشان طفلك.. عشان تعرف تحتويه وتفهمه من غير ما تكرر معاه اللى حصلك بدون وعى...

من النقاط المهمة فى الكتاب توضيح فكرة إن مش بالضرورة الأم أو البنت عندهم علم بحدوث الإساءة من الأصل... وإن الأم بفطرتها عندها من الحب والعطف الغريزى لأطفالها ولكن هى معندهاش كتالوج مسبق لكيفية التعامل مع احتياجات الطفل الى بتكون مهمة شاقة عليها...

فضرورى نتعلم ونفهم لأن ده واجبنا تجاه نفسنا أولا ثم أطفالنا...

الكتاب مهم وبشكر د. سارة النجار على التجربة دى 🫂💚.

#لماذا_يا_أمي_كيف_تتعافين_من_جرح_الأم_وتجنبين_أطفالك_توارث_الألم؟

د. #سارة_النجار

كتاب جيد اتمني كل الامهات ان تقرأه