اقتباسات من كتاب اسطوانة مشروخة : الحب في زمن الكراش والفراق في زمن البلوك

‫ «أم كلثوم» ليها مقطع عن «القسوة» في قمة القوة و الجبروت و هى بتشكي من قسوة حبيبها اللي ما عرفش يحتويها كويس , فبتقول له : «اخترت أبعد , و عرفت أعند , حتى الهَجر قدرت عليه , شوف القسوة بتعمل ايه؟!»

و لو دخَلتُم قلوب أشخاص أحسِنوا فيها , حتى لو نفس المشاعر غير مُتبادلة , انسَحِبوا و سيبوا وراكم ذكرى حلوة..

‫ . القلب إللي حَبّك ما يستاهلش أبدًا إنّك تزرع جواه خِنجَر أو سَهم ..

«أبو العلا البِشري» كان بيقول : «أنا بتكلم عن الحب المثالي , بعذريته و رومانسيته , بلمسة الطُهر إللي فيه , بروح الشاعرية إللي جواه.. زمان كنا نحب زي ما نقرأ الشِعر أو نسمع المَزّيكا , كانت لمسة من الإيد , مُجرّد لمسة تغييبنا عن الوجدان , و نظرة من العين تسهرنا للفجر , و كانت رعشة الكلمة الحلوة على الشفايف تبكينا .. تصوري إن إحنا كنّا بنخاف من القرب أكتر ما بنخاف من البُعد !

‫ و في البُعد نرجع نحِن للقُرب تاني!